Nilesh Lanka on Ajit Pawar। राष्ट्रवादी शरदचंद्र पवार या पक्षाचा वर्धापन दिन अहमदनगरमध्ये पार पडला. या मेळाव्यात अहमदनगरचे  नवनिर्वाचित खासदार निलेश लंके यांनी जोरदार भाषण केलं. यावेळी त्यांनी “शरद पवारांचा नाद करु नका” असे म्हणत अजित पवारांना थेट इशारा दिलाय.

नाद करा पण शरद पवारांचा नाही Nilesh Lanka on Ajit Pawar।
निलेश लंके यांनी कार्यक्रमात बोलताना, “राष्ट्रवादी पक्षाच्या २५ व्या वर्धापन दिनाचा कार्यक्रम आहे. आपलं दैवत म्हणजे शरद पवार आहेत. अरे मित्रांनो हा तर ट्रेलर आहे. पिक्चर अभी बाकी है तो म्हणजे विधानसभा निवडणूक. आदरणीय शरद पवारांनी असा चेंडू टाकला की समोरच्यांचा त्रिफळाच उडाला. नाद करा पण शरद पवारांचा नाही बाळांनो. भलेभले थकले हे विसरु नका. आता मुंबईवर झेंडा तो पण बहुमतानेच. विधानसभेवर आपलाच झेंडा फडकवायचा आहे. शिट्ट्या टाळ्या वाजवू नका कामाला लागा.” असे म्हणत निलेश लंकेंनी अजित पवारांना टोला लगावला.

 जे बोलतो तेच करतो, जे करतो तेच बोलतो  Nilesh Lanka on Ajit Pawar।
पुढे बोलताना त्यांनी, “निलेश लंके जे बोलतो तेच करतो, जे करतो तेच बोलतो. मी पैलवान आहे, डायरेक्ट असा डाव टाकेन की पुढला आऊट. पण आज मी शरद पवारांमुळे खासदार झालो आहे. तात्यांना विचारलं माझं सर्टिफिकेट बदलणार नाही, तर ते नाही म्हणाले. मी दिसायला असा दिसतो आहे. पण पवारांच्या तालमीत तयार झालेला खेळाडू आहे. आम्हाला आठ जणांना दिल्लीत पाठवलंय, आता बघा कसं काम आम्ही सगळे करुन दाखवतो. संसदेत शेतकऱ्यांना न्याय मिळाला नाही तर संसदच बंद पाडेन. आमचं काम हटके आहे, हे लक्षात घ्या. असंही निलेश लंके म्हणाले.

त्यासोबतच “मला जरा दिल्लीला जाऊन तिथला अंदाज घेऊ द्या. मग आल्यावर सगळं काम करतो आहे लक्षात घ्या. शरद पवारांच्या आशीर्वादासाठी मी सगळं काही करेन. एक गोष्ट कुणीच विसरायची नाही. पवार इज द पॉवर. सगळ्यांचा नाद करायचा, सगळ्यांचा पण आदरणीय शरद पवारांचा नाद केला की ते घरी पाठवतात भल्याभल्यांना. हे एकमेव उदाहरण म्हणजे आपलं दैवत शरद पवार आहेत” असेही लंके म्हणालेत.