मुंबई – हिंदी चित्रपटविश्वातील प्रसिद्ध अभिनेता विनोद मेहरा यांची 13 फेब्रुवारी रोजी जयंती आहे. बॉलिवूडचा चॉकलेट हिरो विनोद मेहराने आपल्या अभिनयाने आणि लुकमुळे सर्वांना वेड लावले होते. 70 च्या दशकात विनोद मेहरा हे एक मोठे नाव होते.

विनोदचा जन्म पंजाबमधील अमृतसर येथे 13 फेब्रुवारी 1945 रोजी झाला होता. बालकलाकार म्हणून त्यांनी आपल्या फिल्मी करिअरची सुरुवात केली. विनोदच्या कुटुंबात त्याची बहीण आधीच चित्रपटसृष्टीत काम करत होती. रागिनी या चित्रपटात काम केल्यानंतर विनोदने एक थी रीटा या चित्रपटाद्वारे पदार्पण केले.

त्यांनी ‘घर’, ‘अमर प्रेम’, ‘अनुराग’, कुंवारा बाप ‘, ‘स्वर्ग और नरक’, ‘जानी दुश्मन’ आणि’ लाल पत्थर’ सारखे अनेक हिट चित्रपट दिले. रेखासह अनेक बड्या अभिनेत्री विनोदच्या देखणेपणावर लुब्ध असायच्या. आपल्या देखणेपणामुळे तमाम महिलावर्गात लोकप्रिय असलेल्या विनोदला तीन-तीन लग्न करूनही एकटेपणच लाभले.

विनोदच्या रेखासोबतच्या अफेअरविषयी चर्चा :
विनोद मेहराने आईच्या सांगण्यावरून मीना ब्रोकाशी 1974 मध्ये लग्न केले. मीडिया रिपोर्टनुसार विनोदला हे लग्न मनापासून करायचं नव्हतं, पण तो आपल्या आईच्या प्रेमाशी सहमत होता. तथापि, चार वर्षानंतर ते वेगळे झाले. त्यानंतर विनोद अभिनेत्री बिंदिया गोस्वामीच्या प्रेमात पडले आणि 1980 मध्ये त्यांनी लग्न केले. मात्र काही वर्षानंतर हे संबंधही तुटले. जेव्हा रेखाने आयुष्यात प्रवेश केला तेव्हा विनोद आयुष्यात खूप एकटे होते. रेखा आणि विनोदच्या अफेअरची चर्चा अजूनही बॉलिवूड कॉरिडोरमध्ये आहे. असेही म्हणतात की दोघांनी छुप्या पद्धतीने मंदिरात लग्न केले. पण जेव्हा विनोद रेखासमवेत त्याच्या घरी पोहोचला तेव्हा त्यांच्या आईने रेखाला अजिबात स्वीकारले नाही.

रेखाला मारण्यासाठी विनोदच्या आईने चप्पल काढली :
विनोद मेहराच्या आईला रेखा अजिबात आवडली नाही. एका रिपोर्टनुसार त्यांच्या आईने रेखाला मारण्यासाठी चप्पलही उचलली होती. घरी भांडण वाढलेले पाहून रेखाने विनोदचे घर सोडले होते. नंतर विनोदने रेखाला घरी परतण्यास सांगितले, परंतु रेखाने स्पष्टपणे नकार दिला. रेखा अत्यंत घाबरली होती. विनोद आणि रेखाच्या लग्नाची सत्यतेबाबत आजही शंका उपस्थित केली जाते.

रेखाने सिमी ग्रेवालच्या शोमध्ये विनोद मेहराशी कधी लग्न केल्याचे स्पष्टपणे नाकारले होते. अधिकृत माहितीनुसार विनोद मेहरा यांचे फक्त तीन विवाह झाले आहेत. विनोदने 1987 मध्ये किरणशी लग्न केले होते, परंतु त्यानंतर दोन वर्षांनी 1990 मध्ये त्यांनी जगाला निरोप दिला. या लग्नातून विनोदला दोन मुले आहेत. सोनिया मेहरा आणि रोहन मेहरा अशी विनोद यांच्या मुलांची नावे आहेत.