उच्चशिक्षण मंत्री सोमवारी सर्व कुलगुरूंशी संवाद साधणार

पुणे – करोना विषाणूच्या पार्श्‍वभूमीवर आढावा घेण्यासाठी उद्या (दि.6) सकाळी 11 वाजता उच्च व तंत्रशिक्षण मंत्री उदय सामंत यांच्या अध्यक्षतेखाली राज्यातील सर्व कृषी विद्यापीठांचे कुलगुरू यांच्या सोबत व्हिडीओ कॉन्फरन्सिंगद्वारे आढावा बैठक होणार आहे. यात विद्यापीठाच्या परीक्षांवर ठोस निर्णय होण्याची चिन्हे आहेत.

यात उच्च तंत्र शिक्षण विभागाचे सचिव सौरभ विजय, राज्यातील 13 विद्यापीठांचे कुलगुरू, तंत्रशिक्षण विभागाचे संचालक डॉ.अभय वाघ, उच्च शिक्षण विभागाचे संचालक धनराज माने सहभागी होणार आहेत.

या बैठकीत महाविद्यालय परीक्षा वेळापत्रक नियोजन, शैक्षणिक वर्षाचे नियोजन, ऑनलाईन अध्यापन प्रणालीचा वापर यावर सविस्तर चर्चा करण्यात येणार असून विद्यापीठ आणि महाविद्यालयीन परीक्षा वेळापत्रकासंदर्भात महत्त्वपूर्ण निर्णय होण्याची शक्‍यता आहे. राज्यात करोना विषाणूचा प्रादुर्भाव रोखण्यासाठी प्रतिबंधात्मक उपाय योजनेचा भाग म्हणून सर्व विद्यापीठ आणि महाविद्यालयांच्या नियोजित परीक्षा पुढे ढकलण्यात आल्या आहेत