सध्याच्या काळात लोक विचार न करता इतर लोकांच अनुसरण करतात. भारतात तर हा प्रकार खूप लोकप्रिय आहे. देशातील प्रत्येकाला विचार न करता दुसऱ्यांची कॉपी करायची असते. वेगवान आणि स्वस्त इंटरनेटने या हालचालीला एक नवीन वेग दिला आहे आणि त्यात लक्षणीय वाढ झाली आहे. आता फेसबुकवर हा प्रकार जोरात सुरु आहे. फेसबुकवर अशा पोस्टचा पूर आला आहे, ज्यात लोक असा दावा करीत आहेत की फेसबुकचा नवीन नियम लागू होणार आहे, त्यानंतर फेसबुक आपल्या व्यवसायासाठी लोकांचा फेसबुक डेटा (फोटो, व्हिडिओ, नाव, मोबाइल नंबर) वापरेल. याक्षणी फेसबुकवर जो तो आपला डेटा न वापरण्याचे आदेश देत आहे. * कोणते पोस्ट व्हायरल होत आहे? “नवीन फेसबुक नियम (नवीन नाव मेटा) उद्यापासून सुरू होत आहे, जिथे ते आपली छायाचित्रे आणि वैयक्तिक माहिती वापरू शकतात. आजची शेवटची तारीख आहे हे विसरू नका. मी फेसबुक किंवा फेसबुकशी कनेक्ट केलेल्या कोणत्याही घटकास त्यांचे मागील आणि भविष्यातील चित्रे, माहिती, संदेश किंवा प्रकाशने वापरण्याची परवानगी देत नाही. या विधानासह मी अरुण कुमार सूर्यवंशी फेसबुक आणि या फोटोला सूचित करतो. गोपनीयतेचे उल्लंघन, हे आपल्या फोटोंच्या वापरास तसेच आपल्या प्रोफाइलमधील माहिती आणि स्थिती अपडेटला अनुमती देणार नाही.” हे पोस्ट सध्या फेसबुकवर व्हायरल होत आहे. * या व्हायरल पोस्टचे सत्य काय आहे? वास्तविक हे पोस्ट पूर्णपणे एका प्रोपोगंडाचा भाग आहे. कोणालाही सत्य माहित नाही, परंतु प्रत्येकजण निश्चितपणे कॉपी-पेस्टिंग करत आहे. वास्तविक फेसबुकने असे कोणतेही विधान जारी केलेले नाही. यापूर्वी या प्रकारची पोस्ट व्हायरल झाली होती. 2022 मध्ये तीच पोस्ट व्हायरल झाली. सर्वात महत्वाची गोष्ट म्हणजे आपण फेसबुकच्या धोरणाला आधीच संमती दिली आहे. आपण संमतीची फेसबुकला गरज नाही. जर आपला कोणताही डेटा फेसबुकद्वारे वापरायचा असेल तर तो आपल्या ऑर्डरची प्रतीक्षा करणार नाही. आणखी एक गोष्ट म्हणजे इंटरनेटच्या जगात, हे समजून घ्या की आपले वैयक्तिक काहीही नाही, जे काही आहे ते सार्वजनिक आहे.
