नेवासा : नेवासा नगरपंचायतमधील कार्यरत, निवृत्त आणि मयत कर्मचाऱ्यांच्या वारसांच्या विविध मागण्यांसाठी भारतीय मजदूर संघाच्या पुढाकाराने मंगळवारी बेमुदत चक्री उपोषण आणि धरणे आंदोलन करण्यात आले. कामगार अधिकाऱ्यांनी प्रस्तावित केलेल्या बैठकीच्या तोडग्याला कर्मचाऱ्यांनी सहमती दर्शविल्याने हे आंदोलन स्थगित करण्यात आले. कामगारांच्या अडचणींवर प्रकाशझोत भारतीय मजदूर संघ आणि समर्पण फाऊंडेशनचे अध्यक्ष डॉ. करणसिंह घुले पाटील यांच्या मार्गदर्शनाखाली झालेल्या या आंदोलनात डॉ. घुले यांनी कामगारांच्या समस्या मांडल्या. नगरपंचायत प्रशासनाकडून कामगारांच्या अज्ञानाचा गैरफायदा घेऊन कागदोपत्री दिशाभूल केली जात असल्याचे त्यांनी उदाहरणांसह स्पष्ट केले. आंदोलनाची दिशा आणि उद्देशही त्यांनी अधोरेखित केले. आमदार आणि अधिकाऱ्यांचा पुढाकार दुपारपर्यंत नगरपंचायत प्रशासनाने आंदोलनाची दखल न घेतल्याने आमदार विठ्ठलराव लंघे पाटील यांनी दूरध्वनीद्वारे कार्यकर्त्यांशी संपर्क साधून त्यांच्या अडचणी जाणून घेतल्या. त्यांनी नगरपंचायत आणि जिल्हा कामगार कार्यालयाच्या अधिकाऱ्यांना आवश्यक सूचना दिल्या. आमदारांचे प्रतिनिधी गणेश लंघे आणि भाऊसाहेब वाघ यांनीही कामगारांच्या समस्यांचा आढावा घेतला. जिल्हा कामगार कार्यालयाचे प्रतिनिधी आप्पा चाटे यांच्याशी चर्चा करून आयुक्त कार्यालयात बैठकीचे आयोजन करण्यात पुढाकार घेतला. नगरपंचायतचा खुलासा चुकीचा ठरल्याने तो नाकारण्यात आला, परंतु कामगार अधिकाऱ्यांनी सुचवलेल्या बैठकीच्या तोडग्याला कर्मचाऱ्यांनी मान्यता दिली. आंदोलनाला व्यापक पाठिंबा आंदोलनात नंदकुमार पाटील, सुनीलराव वाघ, भाऊसाहेब वाघ, मनोज पारखे, कृष्णा डहाळे, दिगंबर पवार, स्वप्निल मापारी, गणपत मोरे, सतीश गायके यांनी मनोगते व्यक्त करून पाठिंबा दर्शवला. विकास चव्हाण, राजेंद्र मापारी, राजेंद्र मुथा, सतीश मुळे, प्रतीक शेजुळ, बाळासाहेब क्षीरसागर, दौलत चक्रनारायण, असलम शेख, डेविड साळवे, मंगल चव्हाण, शोभा चव्हाण detrimental, उल्हासाबाई चक्रनारायण, शांताबाई चक्रनारायण, अशोक आल्हाट, भोसले, सरोदे, अजय चक्रनारायण यांच्यासह अनेक कामगारांनी या उपोषणात मोठ्या संख्येने सहभाग घेतला.
