Newasa News : नेवासा तालुक्यातील (Newasa News) टोका – प्रवरासंगम जायकवाडी धरणग्रस्त गावच्या लोकवर्गणीतून उभारण्यात आलेल्या स्मशानभूमीचे व अंत्यविधी रथाचे लोकार्पण अंधश्रद्धा निर्मूलन समितीचे कॉ. बाबा आरगडे यांच्या हस्ते व  मान्यवरांच्या उपस्थितीत लोकार्पण करण्यात आले.

अंधश्रद्धा निर्मूलन समितीचे कार्यकर्ते बी.के.चव्हाण यांनी लोकवर्गणी गोळा करून परिश्रमातून (Newasa News) सर्व सुविधा उपलब्ध असलेली व सुशोभीकरण केलेली स्मशानभूमी नूतनीकरण निर्माण करण्यासाठी पुढाकार घेतला होता.

प्रवरासंगम येथील गोदावरी नदीच्या तीरावर ही स्मशानभूमी उभारण्यात आली असून या आधी या स्मशानभूमीची अवस्था बिकट होती. सामाजिक बांधिलकीच्या जाणिवेतून सदरचे काम लोकसहभागातून करण्यात आल्याने आदर्शवत असे कार्य याठिकाणी झाले. स्मशानभूमी लोकार्पण कार्यक्रमात शव रथाचे ही लोकार्पण करण्यात आले.लोकार्पण कार्यक्रमाच्या अध्यक्षस्थानी प्रवरासंगम गावच्या सरपंच अर्चनाताई सुडके ह्या होत्या.

कॉम्रेड बाबा आरगडे, टोका सरपंच,डावखर ग्रामपंचायत सदस्या गवळी,खेडले, माजी सरपंच निर्मलाताई ढगे,जेष्ठ शिक्षक रामदास कोरडे उपस्थित होते.याप्रसंगी कॉम्रेड बाबा आरगडे,डॉक्टर अशोकराव ढगे,युवा नेते राजेंद्र कदम यांनी या सामाजिक कार्याचे आपल्या भाषणातून प्रशंसा केली.

यावेळी आशाबाई चव्हाण व बी.के.चव्हाण यांच्या लग्नाचा वाढदिवस स्मशानभूमीत (Newasa News) साजरा करून अंधश्रद्धेला छेद देण्यात आला.याप्रसंगी स्मशानभूमी उभारणीसाठी काम करणाऱ्या कारागिरांचा तसेच दानशूर वर्गणीदार दात्यांचा टोका प्रवरासंगम येथील सरपंच उपसरपंच व सदस्यांचा सत्कार करण्यात आला.

अंधश्रद्धा निर्मूलन समितीचे कार्यकर्ते बी.के. चव्हाण यांनी प्रामाणिकपणे काम करून ही समाजातील विक्षिप्त लोक टीका करतात याबद्दल खेद व्यक्त केला. कार्यक्रमाचे सूत्रसंचालन बाबासाहेब शिंदे गुरुजी यांनी केले.यावेळी चव्हाण दाम्पत्याने लग्नाच्या ४४ व्या वाढदिवसानिमित्त अंत्यविधी रथ गावाला भेट दिला व याच स्मशानभूमीमध्ये केक कापून आपल्या लग्नाचा वाढदिवस साजरा केला.

यावेळी माजी पंचायत समिती सदस्य जगन्नाथ कोरडे, माजी सरपंच ईश्वरलाल बाकलीवाल,सुनीलराव बाकलीवाल,भारत गवळी,उद्योजक सुभाष दिघे,संदीप सुडके, सागर गाडेकर,रामभाऊ जाधव,राजेंद्र सुडके, प्रकाश पांडव,संजय जाधव,योगेश जाधव,स्वागत चव्हाण, स्वाती चव्हाण,सृष्टी चव्हाण,सहर्ष चव्हाण,सुवर्णा डावखर,मंदा मुळे,लता मुळे प्रणव आहेर,सचिन मुळे, अण्णा मुळे, रावसाहेब मुळे, ज्ञानेश्वर डावखर,उदय डावखर,रमेश काळे,सोनू फिरोदिया,प्रकाश गांधी,उदय सभारंजक, बाळासाहेब कदम,महेश उघडे,यश कुताळ, गजानन गवारे, गंगाधर रासने,किशोर गोरे,दादा झावरे सुभाष हंडाळ, विष्णुपंत जाधव, रामभाऊ देवरे, काना सोनवणे,नारायण चने,श्रावण लकारे, दिनेश पुलाटे, ज्ञानेश्वर डावखर,उदय डावखर,बाबा आरगडे उपस्थित होते.