Vijay Deverakonda : तेलंगणा राज्यातील सिद्दिपेट जिल्ह्यात एका रुग्णालयाने तब्बल ५०० गरजू मुलांवर मोफत हृदय शस्त्रिक्रिया केल्या आहेत. समाजभावनेतून केलेल्या या कार्याची राज्यात चर्चा असून कौतुक केले जात आहे. श्री सत्य साई संजीवनी असे या रुग्णालयाचे नाव आहे. शस्त्रक्रिया पार पडलेल्या सर्व रुग्णांची तब्येत ठीक असून त्यांना लवकरच डिस्चार्ज  दिला जाणार आहे.

या पार्श्वभूमीवर रुग्णालयात विशेष ‘जीवनदान’ सोहळ्याचे आयोजन करण्यात आले होते. या कार्यक्रमाला दाक्षिणात्य अभिनेता विजय देवराकोंडा तसेच माजी मंत्री आणि बीआरएस आमदार टी. हरीश राव यांनी उपस्थित राहून रुग्णालयाच्या सेवाकार्याचे कौतुक केले.

सत्य साई ट्रस्टच्या सहकार्याने कार्यरत असलेले हे रुग्णालय दरवर्षी सुमारे ६,००० मुलांना मोफत उपचार आणि हृदय शस्त्रक्रिया उपलब्ध करून देत असून, हजारो कुटुंबांना नवजीवनाची आशा देत आहे. त्यामुळे या रुग्णालयाविषयी जनमानसांत विश्वास आहे. इतर राज्यातील रुग्ण देखील येथे उपचार घेण्यासाठी येतात.

✳️ఈ సేవా మరింత విస్తరించాలని, ఇంకా వేలాది మంది చిన్నారులకు జీవం పోయాలని మనస్ఫూర్తిగా కోరుకుంటున్నాను.

✳️మరోసారి శ్రీనివాస్ గారికి, వైద్య బృందానికి, ఈ సేవలో భాగస్వాములైన ప్రతి ఒక్కరికీ నా హృదయపూర్వక అభినందనలు, కృతజ్ఞతలు pic.twitter.com/JiyX4aNmq8

— Office of Harish Rao (@HarishRaoOffice) July 4, 2026

हेही वाचा : Ayodhya News: राम मंदिरातील दानचोरी प्रकरणात नवा खुलासा ; आरोपी अविनाश शुक्लाने ते पैसे  प्रेयसीला दिले 

जीवनदान सोहळ्यात छत्तीसगड, ओडिशा आणि इतर राज्यांतील पालकांनी आपल्या मुलांच्या यशस्वी उपचारांचे अनुभव भावुक शब्दांत व्यक्त केले. गंभीर आजारातून बरे झालेल्या मुलांना पाहून अनेक पालकांच्या डोळ्यांत आनंदाश्रू तरळले.

आमदार टी. हरीश राव यांनी डॉक्टर, वैद्यकीय पथक आणि रुग्णालयातील सर्व कर्मचाऱ्यांचे अभिनंदन करत, “गरजू मुलांना नवजीवन देणारी ही निःस्वार्थ सेवा खरोखरच प्रेरणादायी आणि कौतुकास्पद आहे,” असे गौरवोद्गार काढले.

जीवनदान सोहळ्याला येण्यास विजय देवरकोंडाला सांगण्यात आले होते. क्षणाचाही विलंब न करता त्याने थेट रुग्णालय गाठले.  मुलांसोबत संवाद साधत त्यांच्या तब्येतीची विचारपूस केली. यावेळी मुलांच्या चेहऱ्यावर भाव लक्ष वेधून घेत होते. विजयच्या येण्यामुळे त्यांना एक प्रकारची ऊर्जा मिळाली असल्याचे त्यांच्या चेहऱ्यावरील भाव पाहून दिसत होते.

विजय-रश्मिका राणाबलीमध्ये एकत्र 

दरम्यान, विजय देवराकोंडा आणि रश्मिका मंदाना आगामी ‘राणाबली’ चित्रपटात एकत्र दिसणार आहेत. हा त्यांचा लग्नानंतरचा पहिलाच एकत्र चित्रपट आहे. राहुल संकृत्यान दिग्दर्शित हा ऐतिहासिक चित्रपट रायलसीमाच्या इतिहासावर आधारित असून, विजय ‘राणाबली’ तर रश्मिका ‘जयम्मा’ची भूमिका साकारणार आहेत. हा चित्रपट ११ सप्टेंबर रोजी देशभरातील चित्रपटगृहांमध्ये प्रदर्शित होणार आहे. विजय आणि रश्मिका यांना एकत्र मोठ्या पडद्यावर पाहण्यासाठी चाहते उत्सुक झाले आहेत.

हेही वाचा : Rohit Pawar : विकासकामांची पोलखोल! तळेगावमध्ये रस्ता फुटून उसळला पाण्याचा फवारा; रोहित पवार म्हणाले…