Actor Yash : ‘ना रणबीर ना साई पल्लवी…’; Ramayana मधील ‘हे’ पात्र असणार सर्वात मोठं सरप्राईज, ‘रॅाकिंग स्टार’ यशचा खुलासा
Actor Yash : या कार्यक्रमात सिनेमाचा ट्रेलर लॅान्च करण्यात आला. या कार्यक्रमाला सिनेमातील सर्व प्रमुख कलाकारांनी हजेरी लावली होती.
Actor Yash makes a big revelation : प्रसिद्ध दिग्दर्शक नितेश तिवारी आणि निर्माता नमित मल्होत्रा यांच्या बहुचर्चित ‘रामायण’ सिनेमाची प्रेक्षक आतुरतेने वाट पाहत आहेत. या सिनेमाचा ट्रेलर २४ जुलै रोजी प्रदर्शित होणार असून, त्याआधी दिल्लीतील भारत मंडपम येथे ‘प्रथम संकल्प’ या विशेष कार्यक्रमाचे आयोजन करण्यात आले. या कार्यक्रमात सिनेमाचा ट्रेलर लॅान्च करण्यात आला. या कार्यक्रमाला सिनेमातील सर्व प्रमुख कलाकारांनी हजेरी लावली होती.
या कार्यक्रमादरम्यान निर्मात्यांनी प्रेक्षकांना सिनेमातील प्रमुख पात्रांची ओळख करून दिली. कलाकारांनीही आपल्या भूमिका, चित्रीकरणाचे अनुभव आणि सिनेमाविषयीच्या भावना चाहत्यांसोबत शेअर केल्या. यावेळी रावणाची भूमिका साकारणारा अभिनेता यश मंचावर येताच सभागृह टाळ्यांच्या कडकडाटाने दुमदुमून गेला.
यशने सर्वप्रथम निर्माता नमित मल्होत्रा यांच्या या महत्त्वाकांक्षी प्रोजेक्टसाठी निवड केल्याबद्दल आभार मानले. त्यानंतर त्याने रणबीर कपूर आणि साई पल्लवी यांच्या अभिनयाचे भरभरून कौतुक केले. मात्र, याचवेळी त्याने सिनेमातील सर्वात मोठ्या सरप्राईजबाबतही मोठा खुलासा केला.
यश म्हणाला, “रवी दुबेने लक्ष्मणाची भूमिका अप्रतिम साकारली आहे. माझ्या मते, तो या सर्वात मोठं सरप्राईज ठरणार आहे. सिनेमा प्रदर्शित झाल्यानंतर आम्ही सगळेच त्याचे चाहते होऊ. सेटवर आम्ही दोघांनी एकत्र खूप धमाल केली.” अशी आठवण त्याने सांगितली. यासोबतच यशने इतर कलाकारांच्या कामाचेही कौतुक केले.
रामायण हा सिनेमा भारतीय सिनेसृष्टीतील सर्वात महागडा सिनेमा असणार आहे. तब्बल चार हजारे कोटींचे बजेट या सिनेमाचे असून दोन भागांमध्ये रिलीज करण्यात येणार आहे. या सिनेमाचे दिग्दर्शन नितेश तिवारी यांनी केलं आहे. पहिला भाग दिवाळी २०२६ मध्ये, तर दुसरा भाग दिवाळी २०२७ मध्ये प्रेक्षकांच्या भेटीला येणार असल्याचे अगोदरच जाहीर करण्यात आले आहे.
‘टॅाक्सिक’चीही चर्चा
या सिनेमात अभिनेता रणबीर कपूर (प्रभू श्रीराम), साई पल्लवी (माता सीता), सनी देओल (हनुमान), रवी दुबे (लक्ष्मण) आणि यश रावणाच्या भूमिकेत दिसणार आहेत. दरम्यान, यशचा आगामी ‘टॉक्सिक’ हा सिनेमा देखील सध्या चर्चेत आहे. ऑगस्टमध्ये प्रदर्शित होणाऱ्या या सिनेमात कियारा अडवाणी, नयनतारा, रुक्मिणी वसंत, तारा सुतारिया आणि हुमा कुरेशी या अभिनेत्रींच्या महत्त्वाच्या आणि लक्षवेधक भूमिका आहेत. टीझर आणि गाण्यांना प्रेक्षकांचा चांगला प्रतिसाद मिळाल्याने या सिनेमाने उत्सुकता वाढली आहे. हा सिनेमा अॅक्शन आणि थ्रीलचा अनोखा संगम असल्याचे बोलले जात आहे.
