Neelkanth Jewellers : पुण्यातील नीलकंठ ज्वेलर्सच्या ‘ग्रँड ज्वेलरी फेस्टिव्हल’ला ग्राहकांचा चांगला प्रतिसाद मिळत आहे. नवरात्रीपासून सुरू झालेली दागिन्यांची खरेदी आता दसरा, दिवाळी आणि आगामी लग्नसराईच्या पार्श्वभूमीवर वाढली आहे. शुभमुहूर्तासाठी अनेक ग्राहकांकडून दागिन्यांचे बुकिंग आणि डिलिव्हरी सुरू आहे.

या महोत्सवात सोन्याच्या दागिन्यांच्या घडणावळीवर थेट २० टक्के, तर हिऱ्यांच्या दागिन्यांच्या घडणावळीवर ४० टक्के सूट देण्यात आली आहे. हा महोत्सव ११ नोव्हेंबरपर्यंत सुरू राहणार आहे. ग्राहकांच्या सोयीसाठी सर्व सोमवारीही शोरूम सुरू ठेवण्यात येणार आहे.

नीलकंठ ज्वेलर्सचे संचालक दिलबाग सिंह बीर यांनी सांगितले की, ‘ग्रँड ज्वेलरी फेस्टिव्हल’साठी दोन ते तीन महिन्यांपासून तयारी करण्यात आली. ग्राहकांना नवीन आणि वेगळ्या प्रकारचे दागिने उपलब्ध करून देण्याच्या उद्देशाने सोने, हिरे आणि चांदीचे विविध डिझाइन्स सादर करण्यात आले आहेत.

लग्नसराईसाठी विविध डिझाइन्स

दसरा, दिवाळी आणि आगामी लग्नसराई लक्षात घेऊन नीलकंठ ज्वेलर्समध्ये दागिन्यांची विविध श्रेणी उपलब्ध करून देण्यात आली आहे. गंठण, मंगळसूत्र, चेन, बांगड्या, नेकलेस यासह विविध प्रकारचे दागिने येथे उपलब्ध आहेत. अँटिक आणि राजवाडी डिझाइन्सनाही ग्राहकांची पसंती मिळत असल्याचे बीर यांनी सांगितले.

हिऱ्यांच्या दागिन्यांसाठीही ग्राहकांकडून चांगली मागणी असल्याचे त्यांनी सांगितले. २५ ते ३० हजार रुपयांपासून एक लाख रुपयांपर्यंतच्या बजेटमध्ये हिऱ्यांच्या दागिन्यांचे विविध पर्याय उपलब्ध असल्याचे बीर यांनी नमूद केले.

दसऱ्याच्या शुभमुहूर्तावर दागिन्यांची डिलिव्हरी घेण्यासाठी अनेक ग्राहकांनी आधीच बुकिंग केले आहे. दिवाळीनंतर लग्नसराईचा हंगाम सुरू होणार असल्याने बुकिंग आणि डिलिव्हरीला वेग आल्याचे नीलकंठ ज्वेलर्सकडून सांगण्यात आले.

सोन्याच्या किमतीतील स्थिरतेचा फायदा?

गेल्या काही महिन्यांपासून सोन्याच्या किमतींमध्ये तुलनेने स्थिरता असल्याचे दिलबाग सिंह बीर यांनी सांगितले. किमतींमध्ये मोठे चढ-उतार नसल्याने ग्राहकांना खरेदीचे नियोजन करणे सोपे जात असल्याचे त्यांनी नमूद केले.

सध्याच्या किमती लक्षात घेता खरेदीसाठी ही चांगली संधी असल्याचे त्यांचे म्हणणे आहे. भविष्यात सोन्याच्या किमती वाढण्याची शक्यता लक्षात घेऊन काही ग्राहक सध्याच्या दरात दागिने खरेदी करण्यास प्राधान्य देत असल्याचे त्यांनी सांगितले.

“गेल्या वर्षीच्या तुलनेत यंदाचा दसरा अधिक चांगला ठरेल, अशी अपेक्षा आहे. दसऱ्याच्या मुहूर्तावर दागिन्यांची डिलिव्हरी घेण्यासाठी अनेक ग्राहकांनी आधीच बुकिंग केले आहे,” असे बीर यांनी सांगितले.

दिवाळीसाठी भेटवस्तूंचीही श्रेणी

दिवाळीत मित्र, कुटुंबीय आणि परिचितांना भेटवस्तू देण्याची परंपरा लक्षात घेऊन नीलकंठ ज्वेलर्सने भेटवस्तूंचीही विशेष श्रेणी उपलब्ध करून दिली आहे. दोन हजार रुपयांपासून एक-दोन लाख रुपयांपर्यंत विविध पर्याय असल्याचे सांगण्यात आले.

घराच्या सजावटीसाठी तसेच दैनंदिन वापरासाठी उपयुक्त वस्तूंचा या श्रेणीत समावेश आहे. काही सजावटीच्या वस्तूंवर बारकाईने आणि आकर्षक पद्धतीने काम करण्यात आले आहे. त्यामुळे या वस्तू भेटवस्तूंबरोबरच संग्रही ठेवण्यासाठीही ग्राहकांना आकर्षक वाटू शकतात.

प्रत्येक बजेटसाठी पर्याय

सणासुदीच्या काळात ग्राहकांना नवीन आणि वेगळे डिझाइन्स पाहायला मिळावेत, यासाठी सोन्या-हिऱ्यांच्या दागिन्यांमध्ये विविध कलेक्शन्स सादर करण्यात आली आहेत. उत्कृष्ट नक्षीकाम, विविध शैली आणि वेगवेगळ्या बजेटमधील दागिने हे या महोत्सवाचे वैशिष्ट्य असल्याचे नीलकंठ ज्वेलर्सकडून सांगण्यात आले.

कमी बजेटमध्ये हलके आणि रोजच्या वापरासाठी योग्य दागिने घेऊ इच्छिणाऱ्या ग्राहकांपासून ते पारंपरिक आणि भव्य दागिन्यांना पसंती देणाऱ्या ग्राहकांसाठी विविध पर्याय उपलब्ध आहेत.

ग्राहकांची गैरसोय टाळण्यासाठी शोरूममध्ये व्हॅलेट पार्किंगची सुविधाही उपलब्ध करून देण्यात आली आहे.

“यू नेम इट, वी हॅव इट!” असे दिलबाग सिंह बीर, संचालक, नीलकंठ ज्वेलर्स यांनी सांगितले.