रायपूर  – आताच्या लोकसभा निवडणुकीत कथित राष्ट्रीय लोकशाही आघाडीला मिळालेला कौल हा मोदीविरोधी कौल् असून आता हजे सरकार केंद्रात बनत आहे, ते अल्पजीवी असेल. लवकरच एनडीएमध्ये फूट पडणार असून देशाने मध्यावधी निवडणुकीला सामोरे जाण्यास सज्ज रहायला हवे, असे विधान छत्तिसगडचे माजी मुख्यमंत्री भूपेश बघेल यांनी केले आहे.

लोकसभा निवडणुकीत भाजपला पूर्ण बहुमत न मिळाल्याने बघेल यांनी भाजपवर राजकीय हल्ला चढवला आहे. छत्तिसगडमधील नेत्यांनी देशातील मध्यावधी निवडणुकांबाबत आपल्या कार्यकर्त्यांशी बोलणे सुरू केले आहे. त्यासाठी तयार राहण्यासही ते सांगत आहेत.

माजी मुख्यमंत्री भूपेश बघेल यांनीही कार्यकर्त्यांना संबोधित करतानाचा एक व्हिडिओ सोशल मीडियावर पोस्ट केला आहे. सहकारी कार्यकर्त्यांनी तयार राहा, असेही लिहिले आहे! मध्यावधी निवडणुका सहा महिन्यांत- अथवा एका वर्षात होऊ शकतात. फडणवीस राजीनामा देत आहेत, योगीजींची खुर्ची डळमळीत आहे. भजनलाल शर्माही डगमगले आहेत. सरकार स्थापन झाले नाही, पण जेडीयूचे प्रवक्ते अग्निवीर योजना आणि जात जनगणना रद्द करण्याबाबत बोलत आहेत. हे सर्व मुद्दे राहुल गांधींनी उचलून धरले आहेत.

दुसरीकडे, बघेल यांच्या ट्विटचा भाजपने खरपूस समाचार घेतला आहे. भाजप निवडणूक व्यवस्थापन समितीचे निमंत्रक शिवरतन शर्मा म्हणाले, देशात लोकशाही आहे. लोकशाही राष्ट्रात अभिव्यक्ती स्वातंत्र्य आहे. भूपेश बघेल जागे असताना स्वप्न पडले तर स्वप्न पाहताना जगणे चांगले. भाजप सरकार 5 वर्षांचा कार्यकाळ पूर्ण करेल राष्ट्रहिताच्या दृष्टीने सक्तीने घ्यावे लागणारे निर्णय घेऊन देशाचा विकास होईल.