Navnath Ban victory । मुंबई महानगरपालिकेच्या मानखुर्द-शिवाजीनगरच्या प्रभाग क्रमांक 135 मधून भारतीय जनता पक्षाचे उमेदवार नवनाथ बन यांचा दणदणीत विजय मिळवला आहे. भाजपचे माध्यम प्रमुख असलेल्या नवनाथ बन यांनी मोठ्या मताधिक्याने विजय मिळवत गुलाल उधळला आहे . यासाठी त्यांनी सोशल मीडियावर पोस्ट शेअर करत आनंद साजरा केला आहे. अनेक वर्षांपासून हा प्रभाग विरोधी पक्षांच्या ताब्यात होता. मात्र, भाजपने या निवडणुकीत तरुणांना आणि आक्रमक चेहऱ्यांना संधी दिली आणि त्याचे फळ आता मिळाल्याचे दिसत आहे. देवेंद्र फडणवीस यांचे निकटवर्तीय मानले जाणारे नवनाथ बन यांनी ‘मानखुर्दचे परिवर्तन’ हा अजेंडा घेऊन निवडणूक लढवली होती. आजच्या विजयाने त्यांनी या भागात भाजपची ताकद सिद्ध केली आहे. पोस्ट शेअर करत विजयानंतरचा जल्लोष निकाल जाहीर होताच भाजप कार्यकर्त्यांनी मानखुर्दमध्ये एकच जल्लोष केला. नवनाथ बन यांनी फेसबुकवर पोस्ट करत “दणदणीत विजय…!” असे लिहले आहे नवनाथ बन यांच्या विजयाने मुंबई महानगरपालिकेत भाजपच्या विजयाची मालिका अधिक भक्कम झाली आहे. नवनाथ बन यांचा हा विजय केवळ एका जागेपुरता मर्यादित नसून, तो मुंबईच्या राजकारणातील एका मोठ्या फेरबदलाचे संकेत देणारा ठरला आहे. प्रभाग क्रमांक 135 हा पारंपरिकदृष्ट्या ‘उबाठा’ गटाचा बालेकिल्ला मानला जात होता, मात्र भाजपने नवनाथ बन यांच्या रूपाने एका आक्रमक आणि सुशिक्षित चेहऱ्याला मैदानात उतरवून हा गड आपल्या नावावर केला आहे. देवेंद्र फडणवीस यांचे विश्वासू सहकारी आणि भाजपचे माध्यम प्रमुख म्हणून परिचित असलेल्या नवनाथ बन यांनी गेल्या काही महिन्यांपासून या भागात जनसंपर्क आणि विकासकामांचा धडाका लावला होता, ज्याची पावती आज मतदारांनी त्यांना विजयाने दिली आहे. या विजयामुळे मुंबई महानगरपालिकेत भाजपचे पारडे जड झाले असून, आगामी काळात प्रभागाच्या प्रलंबित प्रश्नांना नवी गती मिळेल, अशी आशा स्थानिकांकडून व्यक्त केली जात आहे.
