Nagpur News : नागपूरच्या (Nagpur News) उप्पलवाडी भागातील एका भाड्याच्या फ्लॅटमधून २.२५ कोटी रुपये किमतीचे ७.५ किलोग्राम मेफेड्रोन हे अंमली पदार्थ जप्त करण्यात आले. या कारवाईमुळे आंतरराज्यीय अंमली पदार्थ तस्करी टोळीच्या एका सदस्याला अटक करण्यात आले.

जरीपटका आणि कपिल नगर पोलीस ठाण्यांच्या पथकांनी रविवारी संयुक्तपणे राबवलेल्या मोहिमेदरम्यान, मझहर अली अकबर अली (वय ३५) याला अटक करण्यात आल्याचे त्यांनी सांगितले. फ्लॅटमध्ये हे मेफेड्रोन १४ पाकिटांमध्ये ठेवण्यात आले (Nagpur News) होते. तसेच, हे अंमली पदार्थ उत्तर प्रदेशातील तीन जिल्ह्यांतून रेल्वे आणि बसमार्गे नागपूरला आणण्यात आल्याचा दावा आरोपीने केल्याचेही त्यांनी सांगितले.

शहरात (Nagpur News) सुरू असलेल्या अंमली पदार्थविरोधी मोहिमेअंतर्गत ही जप्ती एक महत्त्वपूर्ण यश आहे. या कारवाईमुळे अंमली पदार्थांचा मोठा साठा रस्त्यांवर आणि आपल्या तरुणांपर्यंत पोहोचण्यापासून रोखला गेला आहे.

पुरवठादार आणि वाहतूकदारांपासून ते स्थानिक वितरकांपर्यंत अंमली पदार्थांच्या पुरवठा साखळीतील प्रत्येक दुवा तोडण्यासाठी आम्ही कटिबद्ध आहोत, असे पोलीस आयुक्त रवींद्र कुमार सिंगल यांनी एका पत्रकार परिषदेत सांगितले.