Nagpur Dahi Handi : पोलीस आयुक्त विश्वास नांगरे पाटील यांनी डीजेवर 1 नोव्हेंबरपर्यंत बंदी घातली होती. मात्र, हे आदेश धुडकावत नागपूरमध्ये डीजेचा दणदणाट सुरु असल्याचे समोर आले आहे. दहीहंडी उत्सव नागपूरमध्ये सुरु आहे. (Nagpur Dahi Handi)

पोलिसांच्या सूचनेनंतर ही डीजे वाजवत आणि लाइट्सचा वापर करत दहीहंडी फोडण्यासाठी गोविंदाकडून थर रचले. मात्र पोलीस आवाजाच्या मर्यादेवर लक्ष ठेवून आहेत. नागपूरच्या बडकस चौकातील बडकस चौक मित्र परिवाराने सकाळपासून डीजे लावणार अशी भूमिका घेतली होती. (Nagpur Dahi Handi)

संध्याकाळी दहीहंडीचा उत्सव सुरु झाला तेव्हा डीजे सुरु करण्यात आला आहे. डीजे लावण्यात आला असून आवाज नेहमीसारखा नाही. मात्र, काही अंशी कमी असला तरी डीजेचा दणदणाट सुरु आहे. तीव्र प्रकाशाच्या लाईटसचा वापर करण्यात आलेला आहे. (Nagpur Dahi Handi)

पोलीस देखील बडकस चौकात असून ते आवाज नोंदवत आहेत. सात वाजताच्या सुमारास आवाज 80 ते 82 डेसिबल आवाजाची नोंद झाली आहे. याबाबत पोलीस काय कारवाई करतात याकडे सर्वांचे लक्ष लागले आहे. डीजेचा वापर करुन बंदीचा आदेश झुगारुन लावल्याचे पाहायला मिळत आहे. (Nagpur Dahi Handi)

“पापाची हंडी फोडली, आता मुंबई महापालिकेत विकासाची हंडी लागली जाईल..”; CM फडणवीसांनी रणशिंग फुंकले