Pahalgam Attack |  पहलगाममध्ये झालेल्या हल्ल्यात संतोष जगदाळे आणि कौस्तुभ गनबोटे यांना दहशतवाद्यांनी गोळ्या घातल्या. ज्यात त्यांचा मृत्यू झाला. जगदाळे आणि गनबोटे यांचे पार्थिव पार्थिव गुरुवारी पहाटे पुण्यात आणण्यात आले. आज संतोष जगदाळे आणि कौस्तुभ गनबोटे यांच्या पार्थिवच्या दर्शनासाठी राष्ट्रवादी काँग्रेस शरदचंद्र पवार पक्षाचे अध्यक्ष शरद पवार पोहोचले.

शरद पवार यांनी संतोष जगदाळेंच्या पार्थिवाचे दर्शन घेत त्यांच्या कुटुंबियांंचं सांत्वन देखील त्यांनी केलं. यावेळी संतोष जगदाळेंच्या पत्नीने हल्ल्यादरम्यान नेमकं काय घडलं? याची माहिती दिली आहे. ‘माझा नवरा माझ्यासोबत नाही. आमच्यासोबत असलेला माणूस डोळ्यांदेखत गेला. माझी मुलगी आम्ही काय करायचं आता… अनेक कुटुंब उद्ध्वस्त झाली, त्या कुटुंबांनी काय करायचं आता, असं म्हणत संतोष जगदाळेंच्या पत्नीला अश्रू अनावर झाले.

एका घोडेवाल्याला पण मारलं, कारण….

‘ते मास्क लावून आले होते. तिकडे कुणीच नव्हते, अधिकारी किंवा सुरक्षा रक्षक असणं गरजेचं होतं, उपचारासाठी दिरंगाई झाली. त्यांनी तिथल्या एका घोडेवाल्याला पण मारलं, कारण तो प्रतिकार करत होता, की तुम्ही या लोकांना नका मारु, लोकांचे जीव धोक्यात घालू नका, लोकांचं आयुष्य उद्ध्वस्त होऊन जातं, मी कुठे बघणार आहे तुम्ही मला सांगा, आयुष्यभरासाठी पोरकी झाले मी, या लेकरांनी काय करायचं?’ असा हताश प्रश्न त्यांनी विचारला. जगदाळे कुटूंबाची भेट घेतल्यानंतर शरद पवार यांनी गनबोटे कुटुंबियांचीही भेट घेतली.

संतोष जगदाळे आणि कौस्तुभ गणबोटे लहानपणापासूनचे खास मित्र होते. दोघेही मित्र आपल्या परिवारासह जम्मू काश्मीरला फिरायला गेले आणि पहलगाममध्ये दहशतवादी हल्ल्यात दोघांचाही बळी गेला. काही वेळात त्यांच्या वैकुंठ स्मशानभूमीत अंत्यसंस्कार करण्यात येणार आहे.

हेही वाचा:  

‘अरे गांजावाल्या… तुला लाज वाटते का? कुठेतरी ओकायचं थांब’; नरेश म्हस्केंची संजय राऊतांवर जहरी टीका