Mumbai News : मुंबई पोलिसांनी 14 आणि 15 ऑक्टोबर रोजी शहरात अमली पदार्थांच्या व्यापाराविरुद्ध विशेष मोहीम राबवली. या मोहिमेदरम्यान पोलिसांनी अमली पदार्थांशी संबंधित 72 गुन्हे नोंदवले आणि कोडीनयुक्त कफ सिरपसह 15.87 कोटी रुपये किमतीचे अमली पदार्थ जप्त केले. (Mumbai News)

याव्यतिरिक्त, विविध प्रकरणांत फरार असलेल्या 21 जणांना अटक करण्यात आली, तर न्यायालयाद्वारे जारी करण्यात आलेल्या अजामीनपात्र वॉरंटच्या आधारे आणखी 40 जणांना ताब्यात घेण्यात आले. (Mumbai News)

राज तिलक रोशन यांनी सांगितले की, मुंबई शहरात 30 जुलै 2026 पासून ड्रग्ज-फ्री मुंबई मोहीम सुरू आहे. याशिवाय, केंद्र सरकारने 2 ऑगस्ट 2026 रोजी शा मुक्त भारत अभियान सुरू केले आहे. (Mumbai News)

या उपक्रमांची उद्दिष्टे साध्य करण्यासाठी शहरातील सर्व पोलीस ठाणी, अँटी-ड्रग्ज सेल आणि गुन्हे शाखेने एकत्रितपणे ही विशेष मोहीम राबवली. अमली पदार्थांची विक्री रोखणे, एनडीपीएस कायद्यांतर्गत गुन्हे नोंदवणे आणि अमली पदार्थांच्या सेवनामुळे होणाऱ्या घातक परिणामांबाबत जनजागृती करण्यावर या मोहिमेत भर देण्यात आला. (Mumbai News)

या मोहिमेदरम्यान गांजा, मेफेड्रोन, हेरॉईन, ब्राऊन शुगर, चरस, एलएसडी ब्लॉटर्स, कोकेन, हशीश आणि हायड्रोपोनिक गांजा यांसारखे विविध प्रकारचे अमली पदार्थ जप्त करण्यात आले. (Mumbai News)

एकूण 46 किलोहून अधिक अमली पदार्थ आणि कोडीनयुक्त कफ सिरपच्या 9,540 बाटल्या जप्त करण्यात आल्या आहेत. जप्त केलेल्या अमली पदार्थांचे आणि इतर वस्तूंचे मूल्य 15 कोटी 87 लाख रुपये इतके आहे. याव्यतिरिक्त, सुमारे 9 लाख 47 हजार रुपयांची रोख रक्कमही जप्त करण्यात आली आहे. (Mumbai News)