Mumbai News : राज्यात अनेक ठिकाणी घरगुती गॅस सिलेंडर मिळण्यासाठी ग्राहकांच्या रांगा गॅस एजन्सीबाहेर लागत आहेत. केंद्र सरकारने व्यावसायिक सिलेंडर पुरवठ्यात घट केली आहे. तर घरगुती गॅस सिलेंडर मिळण्यासाठी ४५ दिवसांचा कालावधी निश्चित करण्यात आला आहे. यामुळे नागरिकांमध्ये संभ्रवस्था असून, सिंलेडर मिळवण्यासाठी नागरिकांची धडपड सुरू आहे. अशातच गॅस (Gas) कनेक्शन बंद होण्याच्या भीतीपोटी डोंबिवलीतील महिलेसोबत धक्कादायक प्रकार घडला आहे. बनावट मेसेज, लिंक आणि फोन कॉलच्या माध्यमातून महिलेची जवळपास ३ लाख रुपयांची फसवणूक करण्यात आली आहे. हेही वाचा : Mr. India Making : असा जुगाड केला अन्.. मिस्टर इंडिया साकार झाला! ‘तो’ सीन कसा शूट झाला माहितीये? या प्रकरणी डोंबिवलीतील सुनीलनगर परिसरात राहणाऱ्या महिलेने रामनगर पोलीस ठाण्यात तक्रार दिली असून, या प्रकरणाचा तपास पोलीस करत आहेत. स्मिता राणे असे फसवणूक झालेल्या महिलेचे नाव आहे. नेमकं काय घडलं? Mumbai News गॅस बिल (Gas Bill) अपडेट न केल्यास कनेक्शन बंद होईल असा एसएमएस त्यांच्या पतीच्या मोबाईलवर आला आणि तेथूनच या फसवणुकीची सुरुवात झाली. या मेसेजमध्ये “तुम्ही भरलेले महानगर गॅसचे देयक आमच्याकडे दिसत नाहीये, त्वरित अपडेट न केल्यास गॅस जोडणी बंद होईल.” हा मेसेज पाहून घाबरलेल्या स्मिता राणे यांनी लगेच त्या मेसेजमधील नंबरवर संपर्क साधला. फोनवर बोलणाऱ्या व्यक्तीने स्वतःला गॅस कंपनीचा प्रतिनिधी असल्याचे भासवले. फोनवरील व्यक्तीने बिल दिसत नसल्याचे सांगत ऑनलाईन प्रक्रिया करावी लागेल, असे सांगून स्मिता राणे यांच्या मोबाईलवर एक लिंक पाठवली आणि त्यावर माहिती भरण्यास सांगितले. महिलेने लिंक ओपन करून डेबिट कार्ड आणि क्रेडिट कार्डची माहिती भरली. त्यानंतर काही मिनिटांतच त्यांच्या खात्यातून २ लाख रुपये आणि डेबिट कार्डमधून ९९ हजार ५०० रुपये असे एकूण जवळपास तब्बल ३ लाख रुपये काढून घेतल्याचे नंतर समोर आले. पोलिसांनी या प्रकरणाचा तपास सुरू केला असून नागरिकांनी अशा संशयास्पद मेसेज किंवा लिंकवर विश्वास ठेवू नये, असे आवाहन करण्यात आले आहे. हेही वाचा : Sunrisers Leeds Account Suspended: पाकिस्तानी खेळाडूला खरेदी केल्याने सनरायझर्स हैदराबाद अडचणीत; सोशल मीडिया अकाउंट सस्पेंड