Mumbai Mayor : गेल्या काही दिवसांपासून महाराष्ट्रातील महानगरपालिका निवडणुकीची (Mumbai Mayor) चर्चा जोरात सुरू होती. राज्यभरातील २९ महापालिकांसाठी झालेल्या या निवडणुकीत मुंबईची बृहन्मुंबई महानगरपालिका केंद्रस्थानी होती. सर्वच पक्षांनी मुंबईवर सत्ता मिळवण्यासाठी जोरदार प्रयत्न केले. विशेषतः मनसे प्रमुख राज ठाकरे आणि माजी मुख्यमंत्री उद्धव ठाकरे हे दोन्ही बंधू गेल्या अनेक वर्षांनंतर एकत्र आले होते. मुंबई पालिकेच्या (Mumbai Mayor) निवडणुकीमुळे ठाकरे बंधूंची युती ही ऐतिहासिक घटना ठरली. मात्र, निवडणुकीत महायुतीने (भाजप-शिवसेना शिंदे गट) स्पष्ट बहुमत मिळवले असून, भाजप हा सर्वात मोठा पक्ष ठरला आहे. आता मुंबईच्या नव्या महापौरपदासाठीची उत्सुकता संपली असून, येत्या ११ फेब्रुवारी २०२६ रोजी मतदान प्रक्रिया पार पडणार आहे. ११ फेब्रुवारीला मतदान मिळालेल्या माहितीनुसार, मुंबई महापालिकेच्या महापौर आणि उपमहापौर पदांच्या निवडीसाठी येत्या ११ फेब्रुवारी रोजी मतदान होणार आहे. प्रशासकीय तयारी जोरात सुरू असून, उमेदवारी अर्ज दाखल करण्याची प्रक्रिया ६ फेब्रुवारीपासून सुरू होईल. अर्ज दाखल झाल्यानंतर ११ फेब्रुवारीला मतदान होईल आणि त्यानंतरच नव्या महापौराचे नाव स्पष्ट होईल. ही निवड विशेष सभेत होणार असून, महायुतीच्या नगरसेवकांचे बहुमत असल्याने त्यांचा उमेदवार विजयी होण्याची शक्यता मजबूत आहे. Mumbai Mayor महापौरपदासाठी महायुतीत चर्चा निवडणुकीचा निकाल लागल्यानंतर महायुतीत महापौरपदासाठी चर्चा सुरू झाली. उपमुख्यमंत्री एकनाथ शिंदे यांनी आपल्या सर्व नगरसेवकांना पंचतारांकित हॉटेलमध्ये ठेवले होते, जेणेकरून घोडेबाजार टाळता येईल. शिंदे गटाने मुंबईचे महापौरपद आपल्याकडे राहावे यासाठी प्रयत्न केले. मुख्यमंत्री देवेंद्र फडणवीस दावोस दौऱ्यावर असल्याने चर्चा काही प्रमाणात रखडली होती. आता फडणवीस परतल्यानंतर दोन्ही पक्षांमध्ये सकारात्मक चर्चा झाली आहे. प्राथमिक माहितीनुसार, ठाणे आणि कल्याण-डोंबिवली महापालिकांवर एकनाथ शिंदे गटाचा महापौर बसणार असून, मुंबई महापालिकेवर भाजपचा महापौर होण्याचे गणित जुळले आहे. भाजपने ८९ जागा जिंकून सर्वाधिक नगरसेवक मिळवले असून, शिवसेना शिंदे गटासोबत मिळून महायुतीकडे ११८ जागांचे बहुमत आहे. त्यामुळे मुंबईचा नवा महापौर भाजपमधून येण्याची शक्यता निश्चित आहे. निवडणुकीचे राजकीय चित्र मुंबई महापालिकेत ठाकरे बंधूंची युती अपयशी ठरली असून, महायुतीने २५ वर्षांनंतर ठाकरेंची सत्ता उलथवली आहे. आता महापौर निवडीसह स्थायी समिती आणि इतर महत्त्वाच्या पदांसाठीही वाटपाची चर्चा सुरू आहे. ११ फेब्रुवारीला होणाऱ्या मतदानानंतर मुंबईला नवा महापौर मिळेल आणि शहराच्या विकासासाठी नवीन दिशा मिळेल, अशी अपेक्षा व्यक्त केली जात आहे.
