Mule Bank Account Racket : म्यूल बँक खाते रॅकेटचा मुंबई पोलिसांकडून पर्दाफाश;एकाला अटक
सायबर फसवणूक आणि ऑनलाइन गेमिंग व्यवहारांसाठी म्यूल (दुसऱ्याच्या नावावर असलेली पण गुन्हेगारी कृत्यांसाठी वापरली जाणारी) बँक खाती पुरवणाऱ्या एका रॅकेटचा (Mule Bank Account Racket) मुंबई पोलिसांनी पर्दाफाश केला आहे.

Mule Bank Account Racket : सायबर फसवणूक आणि ऑनलाइन गेमिंग व्यवहारांसाठी म्यूल (दुसऱ्याच्या नावावर असलेली पण गुन्हेगारी कृत्यांसाठी वापरली जाणारी) बँक खाती पुरवणाऱ्या एका रॅकेटचा (Mule Bank Account Racket) मुंबई पोलिसांनी पर्दाफाश केला आहे.
याप्रकरणी धारावीतून ३६ वर्षीय वसीम जावेद खान या आरोपीला अटक करण्यात आली असून, त्याच्याकडून ४८ बँक खात्यांशी संबंधित कागदपत्रे आणि ३३ एटीएम कार्डे जप्त करण्यात आली आहेत. त्याने विविध बँकांमध्ये खाती (Mule Bank Account Racket) उघडून ती ऑनलाइन गेमिंग आणि सायबर फसवणुकीच्या कामांसाठी पुरवली होती. मिळालेल्या गुप्त माहितीच्या आधारे, शनिवारी पोलीस पथकाने खानच्या निवासस्थानी छापा टाकला.
चौकशीदरम्यान, आरोपीने सांगितले की तो सागर नावाच्या एका व्यक्तीच्या संपर्कात होता. ऑनलाइन गेमिंग आणि सायबर फसवणुकीच्या व्यवहारांसाठी उपलब्ध करून दिलेल्या प्रत्येक बँक खात्याच्या बदल्यात सागर त्याला २५,००० ते ३०,००० रुपये देत असे. खान आपल्या ओळखीच्या लोकांना बँक खाते उघडण्यासाठी प्रवृत्त करत असे आणि त्या बदल्यात त्यांना प्रत्येकी १५,००० रुपये देत असे.
खाती उघडल्यानंतर, तो खातेदारांकडून एटीएम कार्डे, बँक खात्याशी संबंधित कागदपत्रे आणि नोंदणीकृत मोबाईल क्रमांकांशी जोडलेली सिम कार्डे गोळा करून ती गोव्यातील सागरकडे पाठवत असे.
या कारवाईदरम्यान पोलिसांनी ४८ बँक खात्यांशी (Mule Bank Account Racket) संबंधित कागदपत्रे, एटीएम कार्डे, सिम कार्डे, पासबुक आणि चेकबुक जप्त केली आहेत. या प्रकरणी गुन्हा दाखल करण्यात आला असून, या फसवणुकीची व्याप्ती किती आहे, याचा तपास सुरू असल्याचे पोलिसांनी सांगितले.






