Muhurat Trading 2026 : दिवाळी आणि लक्ष्मीपूजनाच्या निमित्ताने शेअर बाजारात दरवर्षी होणारे मुहूर्त ट्रेडिंग यंदाही आयोजित करण्यात आले आहे. रविवार, ८ नोव्हेंबर २०२६ रोजी NSE आणि BSE वर विशेष ट्रेडिंग सत्र होणार आहे. नियमित बाजार रविवारी बंद असला तरी या विशेष सत्रात गुंतवणूकदारांना शेअर्सची खरेदी-विक्री करता येईल.

मुहूर्त ट्रेडिंगची सुरुवात दुपारी २.०५ वाजता प्री-ओपनिंग सत्राने होईल. त्यानंतर दुपारी २.२० ते ३.३० वाजेपर्यंत इक्विटीमध्ये नियमित व्यवहार करता येतील.

मुहूर्त ट्रेडिंगचे वेळापत्रक –

ट्रेडिंग सदस्य लॉगिन : दुपारी १.१५ ते १.५०

ब्लॉक डील विंडो : दुपारी १.५० ते २.०५

प्री-ओपनिंग सत्र : दुपारी २.०५ ते २.२०

इक्विटी ट्रेडिंग : दुपारी २.२० ते ३.३०

पीरियोडिक कॉल ऑक्शन ऑर्डर : दुपारी २.२५ ते ३.१०

कॉल ऑक्शन मॅचिंग : दुपारी ३.१० ते ३.२०

क्लोजिंग ऑक्शन : दुपारी ३.२० ते ३.३५

पोस्ट-क्लोजिंग सत्र : दुपारी ३.५० ते ४.००

मुहूर्त ट्रेडिंगला भारतीय शेअर बाजारात विशेष महत्त्व आहे. दिवाळीच्या काळात नवीन संवत वर्षाची सुरुवात मानली जाते. त्यामुळे अनेक गुंतवणूकदार या दिवशी प्रतीकात्मक गुंतवणूक करून नव्या आर्थिक वर्षाची सुरुवात करतात. मात्र, मुहूर्त ट्रेडिंग म्हणजे नफा निश्चित मिळण्याची संधी नाही. शेअर्सच्या किमती वाढू किंवा कमी होऊ शकतात. त्यामुळे केवळ परंपरा म्हणून घाईने गुंतवणूक न करता कंपनीची कामगिरी, शेअरचे मूल्यांकन आणि आपली आर्थिक उद्दिष्टे लक्षात घेणे महत्त्वाचे आहे.

(डिस्क्लेमर : शेअर बाजारातील गुंतवणूक बाजारातील जोखमीच्या अधीन आहे. गुंतवणूक करण्यापूर्वी आपल्या आर्थिक गरजा आणि जोखीम क्षमता लक्षात घेऊन तज्ज्ञांचा सल्ला घ्या. दैनिक प्रभात कधीही कोणालाही गुंतवणूकीचा सल्ला देत नाही.)