Raj Thackeray | Uddhav Thackeray – संपूर्ण देशाचे लक्ष लागून राहिलेल्या मुंबई महापालिकेसाठी अर्ज दाखल करण्याची प्रक्रिया सायंकाळी पाच वाजता थांबली. मुंबईत शिवसेना-भाजपची युती विरुद्ध उद्धव ठाकरेंची शिवसेना-महाराष्ट्र नवनिर्माण सेना आणि शरद पवार यांच्या आघाडीत लढत होणार आहे. उद्धव ठाकरे आणि राज ठाकरे एकत्र आल्याने जागा वाटपासाठी प्रचंड संघर्ष होईल, असे बोलले गेले. परंतु ठाकरे बंधू आणि दोन्ही पक्षाच्या नेत्यांनी अनेक बैठकांमधून साधक बाधक चर्चा करून सुवर्णमध्य काढत जागा वाटपाचे अवघड गणित सोडवले. दुसरीकडे महायुतीमध्ये भारतीय जनता पक्ष एकनाथ शिंदे यांच्या शिवसेनेपेक्षा अधिक जागा लढत आहे. ज्या मुंबईत शिवसेना पक्षाचा जन्म झाला, तिथेच शिवसेना पक्ष भाजपपेक्षा कमी जागांवर लढत असल्याने शिवसैनिक खासगीत नाराजी व्यक्त करीत आहेत. दरम्यान, अश्यात आता उद्धव ठाकरेंच्या भेटीसाठी मनसे अध्यक्ष राज ठाकरे मातोश्रीवर दाखल झाले आहे. मुंबई महापालिकेसाठी रणनीती आणि बंडखोरी शमवण्यावर चर्चा होणार असल्याचं बोललं जात आहे. या युतीमध्ये एकूण 227 जागांपैकी मनसे 53 जागा लढवणार आहे. तर शिवसेना ठाकरे गट 163 जागा लढवणार असून राष्ट्रवादी काँग्रेस शरद पवार गटालाही 11 जागा देण्यात आल्या आहेत. मुंबईसह राज्यातील एकूण महापालिकांमध्ये 15 जानेवारी 2026 ला मतदान होणार आहे. तर 16 जानेवारी 2026 रोजी मतमोजणी होईल.
