Mohammed Shami Trade : आयपीएल लिलावापूर्वी मोठी बातमी! लखनौ सुपर जायंट्सने मोहम्मद शमीला राजस्थान रॉयल्ससोबत केले ट्रेड
Mohammed Shami Trade : मिळालेल्या वृत्तानुसार, लखनौ सुपर जायंट्स आणि राजस्थान रॉयल्स यांच्यात मोहम्मद शमीसाठी एक ट्रेड करार झाला आहे. या करारानुसार इंग्लंडचा अष्टपैलू खेळाडू सॅम करन लखनौच्या संघात सामील होईल, तर एम. सिद्धार्थलाही संघातून मुक्त केले जाईल.

Mohammed Shami Sam Curran IPL Trade Lucknow Super Giants Rajasthan Royals : आयपीएलच्या आगामी लिलावापूर्वी खेळाडूंच्या अदलाबदलीच्या प्रक्रियेला वेग आला असून, एक अत्यंत खळबळजनक ट्रेड समोर आला आहे. वेगवान गोलंदाज मोहम्मद शमीला लखनौ सुपर जायंट्सने राजस्थान रॉयल्ससोबत ट्रेड करण्याचा निर्णय घेतला आहे. या मोठ्या करारांतर्गत इंग्लंडचा स्टार अष्टपैलू खेळाडू सॅम करन लखनौच्या संघात सामील होणार असून, तामिळनाडूचा डावखुरा फिरकीपटू एम. सिद्धार्थ देखील या व्यवहाराचा भाग असणार आहे.
लखनौ आणि राजस्थानमध्ये सहमती; केवळ औपचारिकता बाकी
‘ईएसपीएन क्रिकइन्फो’च्या वृत्तानुसार, लखनौ सुपर जायंट्स आणि राजस्थान रॉयल्स या दोन्ही फ्रँचायझींमध्ये या ट्रेडवर अंतिम सहमती झाली आहे. या करारानुसार मोहम्मद शमी राजस्थान रॉयल्सकडून खेळेल, तर सॅम करन लखनौच्या ताफ्यात दाखल होईल. तसेच लखनौचा संघ फिरकीपटू एम. सिद्धार्थलाही मुक्त करण्यास तयार असून, या व्यवहाराची केवळ औपचारिक प्रक्रिया पूर्ण होणे बाकी आहे.
शमीच्या अनुभवामुळे राजस्थानची गोलंदाजी होणार अधिक धारदार –
Lucknow Super Giants are set to trade Mohammed Shami to Rajasthan Royals, with England allrounder Sam Curran heading the other way 🔁
LSG are also set to release Tamil Nadu left-arm spinner M Siddharth as part of the trade with RR
Full story: https://t.co/5Y45cGqsWj https://t.co/VSOzuYlUYT
— Cricinfo (@cricinfo) November 16, 2026
नुकतीच कसोटी क्रिकेटमधून निवृत्ती घेतलेल्या ३६ वर्षीय शमीची आयपीएल २०२६ मधील कामगिरी साधारण राहिली होती; त्याने १३ सामन्यांत १२ विकेट्स घेतल्या होत्या. असे असले तरी २०२४ पासून पॉवरप्लेमध्ये ८.७६ च्या इकॉनॉमीने १४ विकेट्स घेण्याची त्याची क्षमता राजस्थानसाठी अत्यंत उपयुक्त ठरणार आहे.
जोफ्रा आर्चर आणि शमीची जोडी फलंदाजांवर आणणार कहर –
🚨 Mohammad Shami to Rajasthan Royals:
LSG are set to trade Mohammad Shami to Rajasthan Royals, while RR are set to trade Sam Curran to Lucknow Super Giants.
So, all those rumours about Yashasvi Jaiswal moving to LSG were just rumours. https://t.co/aE66Qwt0Ny
— Indian Cricket Ministry (@Tejashyyyyyy) November 16, 2026
राजस्थान रॉयल्सच्या ताफ्यात दाखल झाल्यावर मोहम्मद शमी आणि वेगवान गोलंदाज जोफ्रा आर्चर यांची भन्नाट जोडी पाहायला मिळू शकते. मागील हंगामात आर्चरने राजस्थानच्या गोलंदाजीचे नेतृत्व केले होते; आता त्याला शमीच्या अनुभवाची साथ मिळाल्याने राजस्थानचा वेगवान मारा अधिक घातक आणि समतोल बनेल.
टॉम मूडी आणि सॅम करनची यशस्वी जोडी पुन्हा एकत्र येणार –
दुखापतीमुळे २०२६ चा हंगाम मुकलेला सॅम करन पंजाब आणि चेन्नईनंतर आता लखनौ या तिसऱ्या फ्रँचायझीकडून खेळणार आहे. विशेष म्हणजे, लखनौचे क्रिकेट संचालक टॉम मूडी यांच्यासोबत करनने यापूर्वी ‘द हंड्रेड’ आणि ‘आयएलटी-२०’ लीगमध्ये काम केले असून, मूडींच्याच मार्गदर्शनाखाली त्याने डेझर्ट वायपर्सला विजेतेपद मिळवून दिले होते.





