नवी दिल्ली – देशातील नरेंद्र मोदी सरकारला या महिन्यात 9 वर्षे पूर्ण होत आहेत. त्या निमित्ताने भाजप देशभरात विशेष संपर्क अभियान राबवणार आहे. पंतप्रधान नरेंद्र मोदी 30 मे रोजी एका विशाल रॅलीने या संपर्क अभियानाची सुरुवात करणार आहेत. 31 मे रोजी पीएम मोदींची रॅली होणार आहे. मध्य प्रदेश, राजस्थान, छत्तीसगड आणि तेलंगणा या निवडणूक राज्यांमध्ये ही रॅली आयोजित केली जाऊ शकते.

मोदी सरकारला 9 वर्षे पूर्ण झाल्यानिमित्त प्रत्येक लोकसभा मतदारसंघात विशेष संपर्क अभियान राबविण्यात येणार आहे. भाजपचा ही मोहिम 31 मे ते 30 जूनपर्यंत म्हणजेच महिनाभर चालणार आहे. या विशेष दिनानिमित्त सर्व जिल्हा, मंडळे, सत्ताकेंद्रे व बूथवर विशेष कार्यक्रमांचे आयोजन करण्यात येणार आहे. ज्यामध्ये मोदी सरकारची धोरणे आणि उपलब्धी जनतेपर्यंत पोहोचवली जाईल. देशभरात भाजपच्या वरिष्ठ नेत्यांच्या 51 रॅली होणार आहेत.

तसेच लोकसभेच्या 396 जागांवर जाहीर सभा होणार आहेत. ज्यामध्ये केंद्रीय मंत्री किंवा पक्षाचा राष्ट्रीय पदाधिकारी असणे बंधनकारक आहे. मुख्यमंत्री, विरोधी पक्षनेते, खासदार, आमदारही असतील. या रॅली आणि जाहीर सभांमध्ये सहभागी होणार आहेत. देशभरातील एक लाख विशेष कुटुंबांशी संपर्क साधला जाईल. प्रत्येक लोकसभेत 250 विशिष्ट कुटुंबांशी संपर्क साधला जाईल.

राज्यातील प्रभावशाली व्यक्ती जसे की खेळाडू, कलाकार, उद्योगपती, शहीद आणि इतर प्रसिद्ध कुटुंबांशी संपर्क साधला जाईल. 29 मे रोजी देशभरात एकाच वेळी पत्रकार परिषदा होणार आहेत. मुख्यमंत्री, उपमुख्यमंत्री, केंद्रीय मंत्री आदी नेते राज्यांच्या राजधानीत पत्रकार परिषद घेणार आहेत. ते सर्व सोशल मीडिया प्रभावकांशी संवाद साधतील आणि सरकारच्या यशाची माहिती देतील. ही मोहीम 30 आणि 31 मे रोजी होणार आहे.