Newasa News : राजकारणात अनेकदा पदाची प्रतिष्ठा आणि व्यस्त दिनक्रम यामुळे सामान्यांचा लोकप्रतिनिधींशी संवाद होणे दुरापास्त (Newasa News) मानले जाते. मात्र, नेवासे विधानसभा मतदारसंघाचे आमदार विठ्ठलराव लंघे-पाटील यांच्या कार्यशैलीने या समजाला पूर्णपणे छेद दिला आहे. नुकत्याच समोर आलेल्या एका हृदयस्पर्शी घटनेने आणि त्याबाबतच्या व्हायरल व्हिडिओने संपूर्ण मतदारसंघात कौतुकाची लाट निर्माण केली आहे.

आमदार लंघे-पाटील एका कामानिमित्त प्रवासात असताना त्यांच्या भ्रमणध्वनीवर अचानक एका महिलेचा फोन खणखणला. कोणत्याही मध्यस्थाशिवाय थेट आमदारांनी तो कॉल स्वीकारला. पलीकडून बोलणाऱ्या भगिनीच्या आवाजात तीव्र आर्तता आणि समस्या सोडवण्यासाठीची आशा होती.

त्या भगिनीने अत्यंत भावूक होऊन उद्गार काढले, “साहेब, तुमच्यासाठी मी देवाकडे (Newasa News) नवस केले आहेत.” एका सामान्य महिलेचे हे उत्स्फूर्त शब्द ऐकून आमदार महोदयांनी क्षणाचाही विलंब न लावता अत्यंत शांत, संयमी आणि आत्मीयतेने तिचे संपूर्ण गारगाणे ऐकून घेतले.

केवळ सांत्वन न करता, “तुम्ही अजिबात काळजी करू नका, मी स्वतः या प्रकरणात लक्ष घालतो. ही जनतेची कामे करणे आमचीच जबाबदारी आहे,” असा ठाम विश्वास त्यांनी त्या भगिनीला दिला. त्यानंतर त्यांनी तत्काळ संबंधित प्रशासकीय यंत्रणेला सूचना देऊन तो प्रश्न मार्गी लावण्याचे निर्देश दिले.

दिवसभरात शेकडो अडचणी, विविध प्रश्न आणि सातत्याने येणारे फोन या सर्वांना सामोरे जाताना गोरगरीब, वंचित आणि निराधार घटकांना आधार देण्याला ते नेहमीच पहिले प्राधान्य देतात. पदापेक्षा माणूस महत्त्वाचा आणि राजकारणापेक्षा माणुसकी मोठी हा विचार प्रत्यक्ष आचरणात आणत असल्याने नेवाशाच्या (Newasa News) मातीत विठ्ठलराव लंघे-पाटील हे केवळ आमदार न राहता सर्वसामान्यांचे हक्काचे ‘आपला माणूस’ ठरत आहेत.