Mitchell Starc Record World Test Championship Most Wickets : ऑस्ट्रेलिया आणि बांगलादेश यांच्यात मॅके येथे सुरू असलेल्या दुसऱ्या कसोटी सामन्याच्या पहिल्याच दिवशी ऑस्ट्रेलियाचा डावखुरा वेगवान गोलंदाज मिचेल स्टार्कने (Mitchell Starc) आपल्या घातक माऱ्याने कहर केला. नाणेफेक जिंकून प्रथम गोलंदाजी करण्याचा कर्णधार पॅट कमिन्सचा निर्णय सार्थ ठरवत स्टार्कने एकट्याने ६ विकेट्स घेतले. या विक्रमी कामगिरीसह स्टार्कने सहकारी फिरकीपटू नॅथन लायनला मागे टाकत जागतिक कसोटी अजिंक्यपद (WTC) च्या इतिहासात सर्वाधिक विकेट्स घेणारा जगातील नंबर १ गोलंदाज बनण्याचा महापराक्रम केला आहे.

डब्ल्यूटीसीमध्ये सर्वाधिक विकेट्स; नॅथन लायनला टाकले मागे –

मिचेल स्टार्कने आतापर्यंत खेळलेल्या ५६ डब्ल्यूटीसी सामन्यांत २३० विकेट्स घेत अव्वल स्थान पटकावले आहे. या यादीत नॅथन लायन ५७ सामन्यांत २२५ विकेट्ससह दुसऱ्या स्थानावर आहे. याच डावात ३ विकेट्स घेणारा कर्णधार पॅट कमिन्सही २२५ विकेट्ससह लायनसोबत संयुक्तरीत्या दुसऱ्या स्थानी पोहोचला आहे. डब्ल्यूटीसीच्या इतिहासात २०० हून अधिक विकेट्स घेणारे हे जगातील फक्त तीन गोलंदाज आहेत. भारताचा माजी फिरकीपटू आर. अश्विन १९५ विकेट्ससह चौथ्या स्थानी आहे.

२२ चेंडूंत ५ विकेट्स; स्वतःच्याच वर्ल्ड रेकॉर्डच्या यादीत नवी नोंद –

FIVE WICKETS IN 22 BALLS BY MITCHELL STARC. 🤯 pic.twitter.com/STxTq4wTFS

— Mufaddal Vohra (@mufaddal_vohra) August 22, 2026

या सामन्यात स्टार्कने अवघ्या २२ चेंडूंत ५ विकेट्सचा टप्पा (Fifer) पूर्ण करत कसोटी इतिहासातील सर्वात जलद ५ विकेट्स घेण्याच्या एलिट यादीत पाचव्या क्रमांकावर पुन्हा स्वतःचे नाव नोंदवले. विशेष म्हणजे कसोटी क्रिकेटमध्ये सर्वात जलद ५ विकेट्स घेण्याचा जागतिक विक्रमही स्टार्कच्याच नावावर आहे; त्याने २०२५ मध्ये वेस्ट इंडिजविरुद्ध अवघ्या १५ चेंडूंत ५ विकेट्स घेतले होते. या यादीत ऑस्ट्रेलियाचे अर्नी तोशाक दुसऱ्या आणि इंग्लंडचे स्टुअर्ट ब्रॉड तिसऱ्या स्थानावर आहेत.

हेही वाचा – Doda Ganesh Trolls AB : “भावा गांजा सोड आता!”; विराट-सचिनच्या तुलनेवरून एबी डिव्हिलियर्सवर भडकला माजी भारतीय गोलंदाजज

बांगलादेश अवघ्या ६४ धावांत गारद; ४ फलंदाज शून्यावर बाद!

🍷 Aging like fine wine:

Mitchell Starc after turning 35 in Test cricket:

🎯 62 Wickets
📉 17.93 Average

A left-arm quick peaking in his mid-30s is pure freak athleticism.

Unstoppable. pic.twitter.com/duN3q32Zws

— Hemant Bhavsar (@hemantbhavsar86) August 22, 2026

पहिल्या कसोटीत ऐतिहासिक विजय मिळवणाऱ्या बांगलादेशचा संपूर्ण संघ दुसऱ्या कसोटीच्या पहिल्या डावात अवघ्या ६४ धावांवर ऑलआऊट झाला. बांगलादेशचे तब्बल ४ फलंदाज भोपळाही न फोडता तंबूत परतले. त्यांच्याकडून केवळ शोरिफुल इस्लामने सर्वाधिक १४ धावा केल्या. ऑस्ट्रेलियाकडून स्टार्कने ६, पॅट कमिन्सने ३ आणि जोश हेझलवूडने १ विकेट्स मिळवत बांगलादेशच्या फलंदाजीचा पुरता फडशा पाडला.