नवी दिल्ली –  या महापालिकेत नुकतेच आम आदमी पक्षाला दणदणीत यश मिळाल्यानंतर आता आगामी वर्षापासून मोहल्ला क्‍लिनिक आणि शासकीय रुग्णालयांमध्ये 450 प्रकारच्या वैद्यकीय चाचण्या मोफत केल्या जाणार आहेत.

आरोग्य विभागाच्या या प्रस्तावाला मुख्यमंत्री केजरीवाल यांनी मंजुरी दिली आहे. दिल्ली सरकारकडून मोफत पुरवल्या जाणाऱ्या वैद्यकीय चाचण्यांची संख्या सध्या 212 आहे. केजरीवाल म्हणाले की, त्यांच्या सरकारचे ध्येय आहे की सरकारच आर्थिक स्थिती कशीही असो, सर्वांना चांगल्या दर्जाचे आरोग्य आणि शिक्षण देणे., याला आमचे सर्वाधिक प्राधान्य असेल. आरोग्यसेवाही सध्या महाग झाली आहे. अनेकांना खाजगी आरोग्यसेवा परवडत नाही. हे पाऊल अशा सर्व लोकांना मदत करेल.

दिल्लीत महिलांसाठी खास महिला मोहल्ला क्‍लिनिकची व्यवस्थाही आहे. येथे गर्भवती महिला आणि स्त्रीरोगाशी संबंधित सर्व प्रकारची औषधे, चाचण्या आणि अल्ट्रासाऊंडसाठी कोणतेही शुल्क आकारले जात नाही. दिल्ली सरकारने हे क्‍लिनिक पूर्णपणे महिला आणि 12 वर्षाखालील मुलांसाठी बनवले आहे.