Mayani Election Results – जिल्हा परिषद व पंचायत समितीच्या झालेल्या तिरंगी लढतीमध्ये मायणी जि. प. गटात गेली तीन टर्म जि. प. सदस्य असलेल्या सुरेंद्र गुदगे यांना या निवडणुकीत हार पत्करावी लागली. भाजपचे उमेदवार अॅड. सुरज पाटील यांनी त्यांचा मतांनी पराभव केला.मायणी गट हा इतर मागास प्रवर्गातील पुरुषांसाठी राखीव ठेवण्यात आला होता. मायणी पं. स. गण हा इतर मागास प्रवर्गातील महिलांसाठी राखीव तर कलेढोण पं. स. गण हा सर्वसाधारण पुरुषांसाठी राखीव ठेवण्यात आला होता. मायणी गणातून भाजपकडून चितळी येथील सौ. अनिता कोळी या तर राष्ट्रवादी अजित पवार गटाकडून सौ. गायकवाड यांनी उमेदवारी अर्ज भरला होता. कलेढोण पं. स. गणातून राष्ट्रवादी काँग्रेसकडून चंद्रकांत पवार व भाजपकडून राजूशेठ जुगदर यांनी उमेदवारी अर्ज भरला होता.मायणी गटातून इतर मागास प्रवर्गातून राष्ट्रवादी काँग्रेस अजित पवार गटाकडून सुरेंद्र गुदगे यांनी तर कुणबी मराठा आरक्षणाचा फायदा घेऊन अॅड. सूरज पाटील यांनी भाजपाच्या तर अॅड. प्रल्हाद सावंत यांनी शरद पवार राष्ट्रवादी काँग्रेस पक्षातर्फे अर्ज भरला. या झालेल्या तिरंगी लढतीत भाजपाचे अॅड. सूरज पाटील यांना १२१३६ मते मिळाली तर त्यांचे विरोधी उमेदवार सुरेंद्र गुदगे यांना १०५७१ मते मिळाली व सुरज पाटील विजयी झाले.कलेढोण पं. स. गणात राजेंद्र जुगदर हे ६७३७ मते मिळवून विजयी झाले. तर त्यांचे विरोधी उमेदवार चंद्रकांत पवार यांना ४३११ मते प्राप्त झाली. मायणी पं. स. गणातून भाजपच्या सौ. अनिता कोळी ६२९० मते प्राप्त करून विजयी झाल्या तर त्यांच्या विरोधी उमेदवार सौ. अनुसया गायकवाड यांना ४८७४ मते मिळाली. मंत्री जयकुमार गोरे यांचे व माजी आमदार डॉ. दिलीप येळगावकर यांच्या मार्गदर्शनामुळे मायणी जि. प. गटातील तिन्ही जागा भाजपने हस्तगत केल्या. मायणीत सुरज पाटील व डॉ. येळगावकर यांची असंख्य कार्यकर्त्यांच्या उपस्थितीत गुलालाची उधळण करत भव्य मिरवणूक काढण्यात आली.
