प्रभात वृत्तसेवा
पिंपरी – लग्नाचे आमिष दाखवून घटस्फोटित महिलेची फसवणूक व लैंगिक अत्याचार करणाऱ्या आरोपीला वाकड पोलिसांनी दिल्‍ली येथून अटक केली आहे. आलोक अजयकुमार पुरोहित (वय ४३, रा. एफ-१०० मेजर शैतानसिंग कॉलनी, शास्त्रीनगर, जयपूर) असे अटक केलेल्‍या आरोपीचे नाव आहे. आरोपीने विविध विवाह वेबसाइटवर खोट्या ओळखीने अनेक महिलांची फसवणूक केल्याचेही तपासात समोर आले आहे.वाकड पोलीस ठाण्यातील पीडित महिलेने २७ सप्टेंबर २०२५ रोजी फिर्याद दिली होती.

आलोक पुरोहित याने विवाह वेबसाइटवर स्वतःला अविवाहित दाखवून फिर्यादी महिलेशी ओळख वाढवली. त्यानंतर लग्नाचे आमिष दाखवून तिचा विश्वास संपादन करत पुण्यात येऊन तिच्या इच्छेविरुद्ध शारीरिक संबंध ठेवले. दरम्‍यान महिलेचे नग्न फोटो आणि व्हिडिओ काढून तिला ब्लॅकमेल करण्यास सुरुवात केली. तपासादरम्यान आलोक पुरोहित विवाहित असल्याचे समोर आले असून, तो विविध मॅट्रिमोनियल प्लॅटफॉर्मवर खोट्या माहितीच्या आधारे महिलांशी संपर्क साधून त्यांची फसवणूक करत असल्याचे उघड झाले आहे. फिर्यादी व्यतिरिक्त इतर महिलांनाही आरोपीने अशाच प्रकारे फसविल्याची माहिती मिळाली आहे.