मुंबई – मटका किंग अशी ओळख असणाऱ्या रतन खत्री यांचे निधन झाले आहे. गेली अनेक दशके मटका व्यवसायावर वर्चस्व गाजवणाऱ्या रतन खत्री यांनी मुंबईत अखेरचा श्वास घेतला. गेल्या अनेक दिवसांपासून त्यांची प्रकृती खालावली होती. शनिवारी त्यांचे राहत्या घरी निधन झाले.

रतन खत्री हे 1960 मध्ये कल्याण भगत यांच्या सोबत मटका व्यवसायात उतरले. त्यानंतर 1964 मध्ये त्यांनी भगत यांच्यापासून दूर होत या व्यवसायात आपली वेगळी वाट धरली. मटका व्यवसायातील हातखंड्यामुळे रतन खत्री यांचे नाव महाराष्ट्रभर पोहोचले होते. गेल्या काही दिवसांपासून रतन खत्री हे मटका व्यवसायात सक्रीय नसले तरीही त्यांच्याबद्दलचे अनेक किस्से आजही चर्चेले जातात.

गेल्या काही दिवसांपासून रतन खत्री यांच्या प्रकृती ढासळली होती. ते आपल्या कुटुंबासोबत मुंबई सेंट्रल येथील नवजीवन सोसायटीत राहात होते. शनिवारी त्यांची प्रकृती जास्तच बिघडली आणि त्यातच त्यांचा मृत्यू झाला.