Krushna Andhale | मस्साजोगचे सरपंच संतोष देशमुख यांच्या हत्येला तीन महिने उलटून गेले तरीही कृष्णा आंधळे हा आरोपी अद्याप फरार आहे. यातच आता फरार आरोपी कृष्णा आंधळेबाबत एक मोठी अपडेट समोर आली आहे. कृष्णा आंधळेला नाशिकमध्ये बघितल्याचा दावा स्थानिकांनी केला आहे. गंगापूर रोड परिसरातील सहदेव नगरच्या दत्त मंदिर परिसरात कृष्णा आंधळे उभा असल्याची माहिती स्थानिकांनी दिली असून पोलिसांच्या तपासाला वेग आला आहे. कृष्णा आंधळेने तोंडाला मास्क आणि कपाळाला टिळा लावला होता, त्याच्यासोबत आणखी एक व्यक्ती होता. ते दोघेही काळ्या रंगाच्या बाईकवर बसून गेल्याचा दावाही प्रत्यक्षदर्शींनी केला आहे. याबाबत पोलिसांना माहिती मिळताच गंगापूर पोलीस ठाण्याचे कर्मचारी घटनास्थळी दाखल झाले. त्यानंतर पोलिसांकडून सीसीटीव्ही फूटेजची तपासणी केली जात आहे. त्यानुसार आता पुढे काय माहिती समोर येणार? हे पहावे लागणार आहे. दरम्यान, संतोष देशमुख हत्या प्रकरणातगुन्हे अन्वेषण विभागाच्या विशेष तपास पथकाने दोषारोपत्र दाखल केले ज्यातून धक्कादायक खुलासे झाले. यानंतर आज संतोष देशमुख यांच्या हत्येप्रकरणी पहिली सुनावणी बुधवारी (ता. 12) केजच्या अतिरिक्त जिल्हा व सत्र न्यायालयात झाली. ज्याची पुढील सुनावणी 26 मार्च रोजी होणार आहे. हेही वाचा: संभल मशीद प्रकरणात होळीपूर्वी मुस्लिम पक्षाचा मोठा विजय ; उच्च न्यायालयाने ‘ही’ मागणी केली मान्य
