Abdul Sattar – मराठा आरक्षणासाठी (maratha reservation) मनोज जरांगे पाटील (manoj jarange patil) यांनी काल 25 तारखेपासून पुन्हा एकदा आमरण उपोषणाला सुरूवात केली. त्यांच्या या आमरण उपोषणाला मोठ्या प्रमाणात राज्यातील मराठा समाजातील लोकांनाच पाठिंबा आहे. अश्यातच, राज्याचे अल्पसंख्याक मंत्री अब्दुल सत्तार (Abdul Sattar) यांनी एक मोठं विधान केलं आहे.

यावेळी बोलताना मंत्री अब्दुल सत्तार (Abdul Sattar) म्हणाले की, “देशाचे पंतप्रधान नरेंद्र मोदी (narendra modi)आज शिर्डीत (Shirdi) दाखल झाले असून, यावेळी ते अनेक महत्वाच्या प्रकल्पांचे भूमिपूजन करणार आहेत.

तसेच मराठा समाजाच्या आरक्षणाच्या मुद्द्यावर मुख्यमंत्री आणि उपमुख्यमंत्र्यांसोबत ते चर्चा करणार आहेत. ते काय निर्णय घेतात याकडे सर्वांचं लक्ष लागलं आहे. त्यांना परिस्थितीची जाणीव आहे, असं मोठं विधान राज्याचे अल्पसंख्याक मंत्री अब्दुल सत्तार यांनी केलं आहे.

आरक्षणात कुणीही खोडा घालण्याचा प्रयत्न करत असेल तरी मुख्यमंत्री, उपमुख्यमंत्री आरक्षण देण्यावर ठाम आहेत, असंही सत्तार यांनी स्पष्ट केलं. यावेळी ते माध्यमांशी बोलत होते.

“पंतप्रधान मोदींनी मनोज जरांगे पाटलांची भेट घ्यावी…’ – उद्धव ठाकरे

उद्धव ठाकरे माध्यमांशी बोलतांना म्हणाले, ’पंतप्रधान महाराष्ट्रात येत आहेत तर त्यांचं स्वागत आहेच. त्यांनी मनोज जरांगे पाटलांची भेट घेऊन मराठा आरक्षणाचा विषय सोडवावा ही माझी त्यांना विनंती आहे”, अस ठाकरे यावेळी म्हणाले. ‘मराठा आरक्षणा’वर खूप लोकांनी बोलून गोंधळ घालू नये”, असेही ही उद्धव ठाकरे म्हणाले.