Manisha Koirala | अभिनेत्री मनीषा कोईराला हिने अनेक सुपरहिट चित्रपटांमध्ये काम केले आहे. आपल्या अभिनयाच्या जोरावर तिने सिनेसृष्टीत एक वेगळे स्थान निर्माण केले आहे. अचानक तिला कॅन्सर झाला तेव्हा मनीषाच्या करिअरला ब्रेक लागला. मात्र कर्करोगातून बरे झाल्यानंतर ती पुन्हा चित्रपटांमध्ये सक्रिय झाली. या वर्षी प्रदर्शित झालेल्या संजय लीला भन्साळी यांच्या ‘हिरामंडी’ वेबसिरिजमध्ये ती झळकली होती. यातील तिच्या भूमिकेला चाहत्यांचे खूप प्रेम मिळाले. अलीकडेच तिने ‘हिरामंडी 2’वर भाष्य केले आहे. ‘हिरामंडी-2’ ही वेबसिरिज मनीषा तिच्यासाठी खूप खास मानते. ‘हिरामंडी-2’बद्दल मनीषा सांगते, “हा माझ्यासाठी लाइफ टाईम प्रोजेक्ट आहे. यावर काम कधी सुरू होईल हे आता मला माहित नाही. सध्या संजय लीला भन्साळी ‘लव्ह अँड वॉर’ चित्रपटात व्यस्त आहेत, त्यानंतरच ते ‘हिरामंडी-2’साठी काम करणार आहेत.” या सिरिजच्या दुसऱ्या भागात काम करण्यासाठी मनीषा खूप उत्सुक आहे. पुढे ती म्हणते, “कर्करोगातून बरी झाल्यानंतर मी माझ्या आयुष्याचा आनंद घेत आहे. मला काम करण्याची आणि उत्तम व्यक्तिरेखा साकारण्याची संधी मिळत आहे याचा मला आनंद आहे. मलाही चांगल्या दिग्दर्शकांसोबत काम करण्याची संधी मिळाली आहे. आता मला अभिनयात नवे आव्हानांचा सामना करायचा आहे. मी साईड रोल करायला उत्सुक नाही.” Manisha Koirala | अलीकडेच मनीषानेही मुलाखतींमध्ये तिच्या जुन्या चित्रपटांबद्दल सांगितले. यामध्ये ‘दिल से’ आणि ‘बॉम्बे’ सारख्या चित्रपटांचा समावेश होता. ‘दिल से’बद्दल तिने सांगितले की, त्यात शाहरुखचे पात्र मरणार नव्हते, पण नंतर चित्रपटाचा शेवट बदलण्यात आला. तिने ‘बॉम्बे’मध्ये काम करण्यास नकार दिला होता, पण मनीषाने मनाचे ऐकले आणि दिग्दर्शक मणिरत्नम यांच्यासोबत या चित्रपटात काम केले. नंतर तिचा हा निर्णय योग्य ठरला आणि ‘बॉम्बे’ हा चित्रपट हिट ठरला. हेही वाचा: ‘एकजुट राहाल तर सुरक्षित राहा’ ; संजय राऊतांचा पंतप्रधानांच्या घोषणेवर तिखट सवाल; म्हणाले, ‘तुम्ही कोणाला सुरक्षित ठेवताय?’
