यातच धर्मा प्रोडक्शनच्या या चित्रपटात खूप फॅमिली ड्रामा पाहायला मिळणार असल्याचे या चित्रपटाच्या नवीन पोस्टरमध्ये पाहायला मिळत आहे.

अभिनेत्री कियारा अडवाणी आणि अभिनेता वरुण धवन सध्या त्यांच्या आगामी ‘जुग जुग जिओ’ या चित्रपटामुळे चर्चेत आहेत. चित्रपटाशी संबंधित प्रत्येक कलाकार सोशल मीडियावर त्याचे जोरदार प्रमोशन करत आहे. दरम्यान, या चित्रपटाचे नवे पोस्टर रिलीज करण्यात आले आहे.

‘जुग जुग जिओ’च्या नवीन पोस्टरमध्ये अनिल कपूर, नीतू कपूर, वरुण धवन आणि कियारा अडवाणी हे हॅप्पी फॅमिली म्हणून दिसत आहेत. पॉवरपॅक्ड फॅमिली एन्टरटेनर चित्रपटाचा ट्रेलर  प्रदर्शित झाला आहे.

धर्मा प्रोडक्शनच्या बॅनरखाली बनलेला ‘जुग जुग जियो’ हा चित्रपट राज मेहता यांनी दिग्दर्शित केला आहे. 24 जून रोजी प्रदर्शित होणाऱ्या या चित्रपटात अभिनेता मनीष पॉल आणि YouTuber प्राजक्ता कोळी यांच्याशिवाय कियारा अडवाणी, वरुण धवन, अनिल कपूर आणि नीतू कपूर देखील दिसणार आहेत.