Manav World Record : २४ वर्षीय मानव सुथारचा वर्ल्ड रेकॉर्ड! ‘हा’ खास कारनामा करणारा ठरला जगातील पहिलाच खेळाडू
Manav World Record : फिरकीपटू मानव सुथार (Manav Suthar). दुसऱ्या डावात ५५ धावांत ६ आणि पहिल्या डावात ४ असे संपूर्ण सामन्यात १३१ धावांत १० विकेट्स घेत सुथारने जागतिक विक्रमाला गवसणी घातली आहे.
Manav Suthar World Record as Youngest Indian to take 10 Wicket Haul in Away : गॉल येथील श्रीलंकेविरुद्धच्या पहिल्या कसोटी सामन्यात भारतीय संघाने १६५ धावांनी धमाकेदार विजय मिळवला. भारताने दिलेल्या ३७२ धावांच्या लक्ष्याचा पाठलाग करताना श्रीलंकेचा दुसरा डाव अवघ्या २०६ धावांत संपुष्टात आला. भारताच्या या विजयाचा खरा शिल्पकार ठरला तो २४ वर्षीय युवा डावखुरा फिरकीपटू मानव सुथार (Manav Suthar). दुसऱ्या डावात ५५ धावांत ६ आणि पहिल्या डावात ४ असे संपूर्ण सामन्यात १३१ धावांत १० विकेट्स घेत सुथारने जागतिक विक्रमाला गवसणी घातली आहे. परदेशी भूमीवर एका कसोटीत १० विकेट्स हॉल (10-Wicket Haul) घेणारा तो भारताचा सर्वात तरुण खेळाडू बनला आहे.
हरभजन-अश्विनच्या एलिट क्लबमध्ये एन्ट्री!
श्रीलंकेच्या भूमीवर एकाच कसोटीत १० विकेट्स घेणारा सुथार हा केवळ तिसरा भारतीय गोलंदाज ठरला आहे. त्याच्यापूर्वी हा पराक्रम हरभजन सिंगने (२००८ – १५३/१०) आणि रविचंद्रन अश्विनने (२०१७ – १६०/१०) याच गॉलच्या मैदानावर केला होता. तसेच ही ऐतिहासिक कामगिरी करणारा सुथार भारताचा नववा डावखुरा फिरकीपटू ठरला आहे. कसोटीत भारतासाठी सर्वाधिक वेळा १० विकेट्स घेण्याचा विक्रम अश्विन आणि अनिल कुंबळे (प्रत्येकी ८ वेळा) यांच्या नावावर आहे.
अवघ्या दुसऱ्या कसोटीत पराक्रम; नरेंद्र हिरवानींच्या पंक्तीत स्थान –
Stumps on Day 4 in Galle! 🏟️
Sri Lanka 84/4 in the 2nd innings#TeamIndia 6⃣ wickets away from victory in the opening #SLvIND Test.
Scorecard ▶️ https://t.co/M9LVyCAp8y pic.twitter.com/Fhu9YGYeC1
— BCCI (@BCCI) August 18, 2026
कारकिर्दीचा अवघा दुसरा कसोटी सामना खेळताना १० विकेट्स घेण्याचा दुर्मीळ विक्रम सुथारने केला आहे. सर्वात कमी सामन्यांत १० विकेट्स घेणाऱ्या भारतीयांच्या यादीत त्याने लक्ष्मण शिवरामकृष्णन आणि अक्षर पटेल यांच्याशी बरोबरी केली असून नरेंद्र हिरवानी (पहिल्याच कसोटीत) यांच्यानंतर तो दुसऱ्या स्थानावर पोहोचला आहे. कसोटीच्या एका सामन्यात १० विकेट्स घेणाऱ्या दिग्गज भारतीय गोलंदाजांच्या यादीत आता २४ वर्षीय सुथारचे नाव कोरले गेले आहे.
बुमराह, शमी अन् ब्रेट लीसारख्या दिग्गजांनाही जे जमले नाही ते करून दाखवले –
मानव सुथारने आपल्या कारकिर्दीच्या सुरुवातीलाच केलेली ही कामगिरी किती मोठी आहे, याचा अंदाज यावरून येतो की जसप्रीत बुमराह, मोहम्मद शमी, ब्रेट ली, जोश हेझलवूड, मोर्ने मॉर्केल, जेसन गिलेस्पी आणि बेन स्टोक्स यांसारख्या जगातील दिग्गज गोलंदाजांना आपल्या संपूर्ण कसोटी कारकिर्दीत एकदाही एकाच सामन्यात १० विकेट्स मिळवता आलेले नाहीत. दुखापतीमुळे बुमराह संघात नसताना सुथारने घेतलेली ही भरारी भारतीय क्रिकेटसाठी सुवर्णकाळ मानली जात आहे.
