Lok Sabha Election 2024 । भाजपचे राष्ट्रीय अध्यक्ष जेपी नड्डा यांनी 2024 च्या लोकसभा निवडणुकीदरम्यान पश्चिम बंगालमधील संदेशखळीच्या मुद्द्यावरून ममता बॅनर्जींवर निशाणा साधला आहे. जर ममता बॅनर्जींना वाटत असेल की, जनतेला घाबरवून त्या निवडणुका जिंकतील, तर ही त्यांची सर्वात मोठी चूक आहे. असेही ते म्हणाले आहे.

तृणमूल काँग्रेस अध्यक्षांवर हल्लाबोल करताना ते पुढे म्हणाले,’ममता बॅनर्जींच्या राजवटीत शेख शाहजहानसारखे लोक महिलांसाठी धोकादायक बनले होते. तिथे गेलेल्या तपास यंत्रणांवर प्राणघातक हल्ले झाले होते. संदेशखळीत जनतेच्या सुरक्षेसाठी NSG कमांडोना उतरावे लागले. ममता जी लोकांना धमक्या देऊन निवडणुका जिंकतील का? मग ही ममता बॅनर्जींची मोठी चूक आहे.’ असेही ते म्हणाले आहे.

‘ममता बॅनर्जींनी बंगालचा कायापालट कशातून केला’
‘बंगालमध्ये बॉम्ब आणि पिस्तूल सापडत आहेत जिथे शास्त्रीय गाणी ऐकायला हवी होती. ममता जी, तुम्ही बंगालचे काय केले आहे? सुभाषचंद्र बोस, स्वामी विवेकानंद यांसारख्या लोकांनी अशा बंगालची कधी कल्पना केली होती का?” जनता तुम्हाला चोख प्रत्युत्तर देईल आणि संदेशखळीच्या पिडीत महिलेला तिकिट देऊन भाजपने दाखवून दिले आहे की संदेशखळीच्या या महिला एकट्या नाहीत. अस म्हणत त्यांनी टीका केली आहे.

हे वाचले का ? आपसोबत युती केल्याने दिल्लीत काँग्रेसला गळती, अरविंदर सिंग लवली यांनी सोडले अध्यक्षपद