Mamata Banerjee on BJP। लोकसभा निवडणुकीच्या पार्श्वभूमीवर सर्व पक्ष एकमेकांवर आरोप-प्रत्यारोप करताना दिसून येत आहेत. त्यातच काँग्रेसचे प्रदेशाध्यक्ष अधीर रंजन चौधरी यांनी काही दिवसापूर्वी पश्चिम बंगालच्या मुख्यमंत्री ममता बॅनर्जी यांच्यावर टीका केली होती. त्यांच्या टीकेला आता ममता बॅनर्जी यांनी सडेतोड उत्तर दिलंय. यावेळी त्यांनी काँग्रेस आणि माकपची भाजपसोबत युती असल्याचा आरोप देखील केला. मालदा जिल्ह्यात एका निवडणूक रॅलीला संबोधित करताना तृणमूल काँग्रेसच्या प्रमुख ममता बॅनर्जी यांनी काँग्रेस आणि माकपवर सडकून टीका केली. यावेळी त्यांनी,“बंगालमध्ये आमची काँग्रेस आणि सीपीआय (एम) सोबत युती नाही. माकप काँग्रेससोबत आहे. तुम्ही (लोक) काँग्रेस आणि सीपीआय(एम) ला मत द्याल म्हणजे तुम्ही भाजपला मत देत आहात. काँग्रेस आणि माकप हे भाजपचे दोन डोळे आहेत.” असे म्हटले. काँग्रेस आणि माकप भाजपची भाषा बोलतात Mamata Banerjee on BJP। “काँग्रेस आणि माकप भाजपची भाषा बोलत आहेत,” असा दावा त्यांनी केला. आम्ही काँग्रेसला लोकसभेच्या दोन जागा देण्यास तयार आहोत, असे सांगितले होते. विधानसभेत काँग्रेसला एकही जागा नाही, हे जाणून मी अशी ऑफर दिली. माझे काँग्रेसने ऐकले नाही.” वास्तविक, काँग्रेस खासदार अधीर रंजन चौधरी यांनी अलीकडेच बंगालमध्ये भाजपच्या वाढीचे कारण मुख्यमंत्री ममता बॅनर्जी यांची टीएमसी असल्याचे म्हटले होते. काय म्हणाले अधीर रंजन चौधरी? Mamata Banerjee on BJP-Congress । अधीर रंजन चौधरी म्हणाले की, बंगालमध्ये ममता बॅनर्जींमुळे विरोधी आघाडी ‘इंडिया’ कमकुवत झाली आहे. माकपचे प्रदेश सचिव मोहम्मद सलीम यांचा प्रचार करताना ते म्हणाले, देशात भाजपचा पराभव होत असल्याचे दिसत आहे, मात्र बंगालमध्ये भाजप पुढे जात आहे. ममता बॅनर्जी आणि त्यांच्या धोरणामुळे हे घडले आहे. ते पुढे म्हणाले, “ममता बॅनर्जींनी ‘भारत’ युती असलेल्या पक्षांसोबत जागा न वाटून भाजपला मदत केली आहे. बॅनर्जी डावे आणि काँग्रेसवर सातत्याने निशाणा साधत भाजपला मदत करत आहेत. दरम्यान, काँग्रेस, टीएमसी आणि सीपीआय(एम) हे विरोधी आघाडी ‘इंडिया’ चा भाग आहेत. ममता बॅनर्जी यांची टीएमसी राज्यात 42 जागांवर एकट्याने निवडणूक लढवत आहे.
