Mamata Banerjee । काँग्रेस आणि तृणमूल काँग्रेसमधील मतभेद काही केल्या संपताना दिसत नाहीत. त्यातच आता काँग्रेसचा डाव उधळून लावण्यासाठी ममता बॅनर्जी यांनी नवा प्लॅन तयार केला असल्याचे म्हटले आहे.  पश्चिम बंगालनंतर आता मेघालय आणि  आसामच्या जागांसाठी उमेदवार जाहीर करणार आहेत. प्राप्त माहितीनुसार, दोन्ही राज्यात पक्ष काँग्रेसपासून स्वतंत्रपणे निवडणूक लढवणार असल्याचे म्हटले आहे.

TMC मेघालयचे माजी मुख्यमंत्री मुकुल संगमा यांना तुरा लोकसभा मतदारसंघातून उमेदवारी देऊ शकते. याठिकाणी काँग्रेसने यापूर्वीच ए. संगमा यांना उमेदवार म्हणून घोषित केले आहे. याआधी काँग्रेसने बंगालमध्ये युतीसाठी तृणमूलसाठी तुरा जागा सोडण्यास तयार असल्याचे संकेत दिले होते. मात्र त्यानंतर पश्चिम बंगालमध्ये दोघांना युती करता आली नाही.

2019 मध्ये याचाच परिणाम दिसून आला Mamata Banerjee ।

2019 च्या लोकसभा निवडणुकीत मुकुल संगमा, जे काँग्रेसमध्ये होते.  त्यांना तुरा जागेवर 41.24 टक्के मते मिळाली होती, परंतु एनपीपीच्या अगाथा संगमा यांच्याकडून त्यांचा पराभव झाला. त्यांनी सुमारे 64,000 मतांच्या फरकाने जागा जिंकली. मुकुल संगमा नंतर काँग्रेस सोडून तृणमूलमध्ये दाखल झाले.

 मेघालयातील शिलाँग निवडणूक लढवणार नाही

TMC कडून, ते मेघालयातील उमेदवारांची नावे जाहीर करण्याच्या दिशेने गेले आहेत.  लवकरच सर्व उमेदवारांची नावे जाहीर केली जातील. मात्र, पक्षाने शिलाँगमधून निवडणूक लढवणार नसल्याचे सांगितले आहे. सध्या काँग्रेसचे व्हिन्सेंट एच पाला येथून विद्यमान खासदार आहेत.  TMC आसाममध्ये 2-4 जागांवर निवडणूक लढवेल आणि राज्य युनिट लवकरच अंतिम निर्णय घेईल.

काँग्रेसची बंगालमध्ये डाव्यांशी चर्चा  Mamata Banerjee ।

पश्चिम बंगालमधील तृणमूलच्या सर्व 42 उमेदवारांच्या घोषणेसह, काँग्रेस आता डाव्या आघाडीसोबत जागावाटपाचा करार अंतिम करण्याच्या प्रक्रियेत आहे. लवकरच त्याची घोषणा होईल, असे मानले जात आहे.