Mallikarjun Kharge:  काँग्रेस अध्यक्ष मल्लिकार्जुन खरगे यांच्या दिवाळीसंदर्भातील वक्तव्यावरून वाद निर्माण झाला आहे. ७ नोव्हेंबर रोजी दिवाळीच्या शुभेच्छा देताना खरगे म्हणाले होते, “दिवाळी ही आनंदाची ईद आहे, अनेक दिवस टिकणारी ईद.” या वक्तव्यानंतर भाजपने काँग्रेस आणि खर्गे यांना लक्ष्य केले आहे.

भाजपचे राष्ट्रीय प्रवक्ते प्रदीप भंडारी यांनी खरगे यांच्या वक्तव्यावर निशाणा साधताना म्हटले की, काँग्रेसने दिवाळीच्या निमित्तानेही व्होट बँकेचे राजकारण निवडले आहे. त्यांनी काँग्रेसवर सनातनविरोधी आणि हिंदूविरोधी मानसिकता असल्याचा आरोप केला.

भाजपचे राष्ट्रीय प्रवक्ते गौरव भाटिया यांनीही खरगे यांच्या वक्तव्यावर प्रश्नचिन्ह उपस्थित केले. ते म्हणाले की, ईदचे स्वतःचे महत्त्व आहे आणि दिवाळीची स्वतःची पवित्रता, परंपरा आणि ओळख आहे.

काँग्रेसच्या तथाकथित धर्मनिरपेक्षतेच्या नावाखाली हिंदू सणांची ओळख बदलणे हे राजकीय शिष्टाचार बनले आहे का, असा प्रश्न त्यांनी उपस्थित केला. भाटिया यांनी राहुल गांधी आणि मल्लिकार्जुन खरगे यांना विचारले की, ईदला ‘आनंदाची दिवाळी’ म्हणण्याचे धाडस ते कधी करतील का.

भाजपचे प्रवक्ते तुहीन सिन्हा यांनीही काँग्रेसवर निशाणा साधत म्हटले की, मुस्लिम समाज वर्षातून दोनदा ईद साजरी करतो, पण काँग्रेसला प्रत्येक हिंदू सण ‘आनंदाची ईद’ म्हणून साजरा करायचा आहे. प्रदीप भंडारी यांनी दुसऱ्या एका पोस्टमध्ये आरोप केला की, काँग्रेस दिवाळीसारख्या प्रसंगीसुद्धा तुष्टीकरण आणि व्होट बँकेच्या विचारात मग्न आहे.

शिवसेनेनेही निशाणा साधला Mallikarjun Kharge:

मुंबईत शिवसेना नेते आनंद दुबे यांनीही खरगे यांच्या वक्तव्यावर प्रतिक्रिया दिली. ते म्हणाले की, काही जण दिवाळीत ईद पाहतात, तर काही जण ईदमध्ये दिवाळी पाहतात. ते म्हणाले की, दिवाळी हे प्रभू रामाच्या वनवासातून अयोध्येत परतण्याचे प्रतीक आहे आणि ती दिवाळीच राहिली पाहिजे. आनंद दुबे म्हणाले की, सर्व धर्म आणि सणांचा आदर केला पाहिजे, परंतु दिवाळी आणि ईद वेगळे आहेत आणि त्यांचे स्वतःचे महत्त्व आहे.

काँग्रेसचा बचाव Mallikarjun Kharge:

मल्लिकार्जुन खरगे यांच्या ‘दिवाळी ही आनंदाची ईद आहे’ या वक्तव्यावरून निर्माण झालेल्या वादावरून काँग्रेस नेते पवन खेरा यांनी भाजपवर निशाणा साधला आहे. त्यांनी ‘एक्स’वर पोस्ट करत म्हटले आहे की, खरगे यांच्या वक्तव्यावरून गदारोळ करणाऱ्यांना या शब्दाचा अर्थच माहीत नाही.

पवन खेरा म्हणाले की, ‘ईद’ या शब्दाचा शब्दशः अर्थ ‘उत्सव’ आहे आणि खरगे यांचे वक्तव्य त्याच संदर्भात समजून घेतले पाहिजे. ते म्हणाले की, खरगे यांचे वक्तव्य पूर्णपणे सामान्य होते, परंतु “संघी नकारात्मकतेमुळे” काही लोक हा सणसुद्धा साजरा करत नाहीत. पवन खेरा यांनी पुढे लिहिले की, दिवाळीच्या आणि देवावरील प्रेमाच्या भावनेने लोकांनी आपल्या डोक्यातही एक-दोन दिवे लावावेत आणि आपला “मूर्खपणाचा जाहीर देखावा” थांबवावा.