शेतकऱ्यांना मोठा दिलासा ! अखेर महाराष्ट्रात दुष्काळ जाहीर, कोणते 265 तालुके आले यादीत?

Drought Declared in Maharashtra :  राज्यातील दुष्काळग्रस्त भागातील शेतकऱ्यांना अखेर खूप मोठा दिलासा मिळाला आहे. महाराष्ट्रातील एकूण 358 तालुक्यांपैकी 265 तालुक्यांमध्ये दुष्काळ जाहीर करण्यात आला आहे. याचाच अर्थ राज्यातील सुमारे 75 टक्के भागात दुष्काळी परिस्थिती असल्याचे स्पष्ट झाले आहे.

ट्रिगर 1 लागू झालेल्या तालुक्यात सरकारकडून दुष्काळ जाहीर करण्यात आला. फडणवीस सरकारकडून घेण्यात आलेल्या या निर्णयाचा शेतकऱ्यांना मोठा दिलासा मिळाला.

मुख्यमंत्र्यानी राज्यातील दुष्काळ भागांची पाहणी करत शेतकऱ्यांशी संवाद साधला होता. यावेळी शेतकऱ्यांनी आपल्या व्यथा मांडल्या होत्या, त्यानंतर राज्यातील परिस्थिती लक्षात घेता मुख्यमंत्र्यांनी दुष्काळ जाहीर करण्याचा निर्णय घेतला आहे.

त्यानुसार, दुष्काळी परिस्थितीचे गांभीर्य लक्षात घेऊन सर्व जिल्ह्यांच्या जिल्हाधिकाऱ्यांना पिकांच्या नुकसानीचे पंचनामे तात्काळ पूर्ण करण्याचे आदेश देण्यात आले आहेत. पारदर्शकता राहावी यासाठी पिकांची प्रत्यक्ष स्थिती दाखवणारे छायाचित्र आणि जीपीएस लोकेशन संकलित करण्याचे निर्देश प्रशासनाला देण्यात आले आहेत.

Drought Declared in Maharashtra :  शेतकऱ्यांना नेमका काय दिलासा मिळणार? 

• दुष्काळग्रस्त भागातील शेतकऱ्यांना जमीन महसुलात पूर्ण सूट देण्यात आली आहे.
• शालेय व महाविद्यालयीन विद्यार्थ्यांचे परीक्षा शुल्क माफ केले जाईल.
• कृषीपंपाच्या चालू वीजबिलात सूट दिली जाईल. ७.५ हॉर्सपॉवर क्षमतेच्या वीजपंपांचे बिल आधीच माफ असून, आता त्यापेक्षा जास्त क्षमतेच्या वीजपंपांनाही वीजबिलात सवलत मिळेल.
• टंचाईग्रस्त गावांमध्ये शेतीपंपांची वीजजोडणी खंडित न करण्याचे आदेश दिले आहेत.
•  ‘रोजगार हमी योजने’च्या नियमांत शिथिलता आणून जास्तीत जास्त कामे उपलब्ध करून दिली जातील.
• शेतीवर अवलंबून असलेल्या शेतकरी व शेतमजुरांना धान्य पुरवठा केला जाईल.
• पिण्याच्या पाण्यासाठी आवश्यक तिथे तात्काळ टँकर्स सुरू केले जातील.
• जनावरांच्या चाऱ्याची आणि पाण्यासाठी पूर्व नियोजनाप्रमाणे व्यवस्था केली जाईल.
• जलसंधारणाची कामे मोठ्या प्रमाणावर हाती घेतली जातील.
• शेतीशी निगडित सर्व प्रकारच्या कर्जाच्या वसुलीला तात्काळ स्थगिती देण्यात आली आहे.
• पीक कर्जाचे पुनर्गठन केले जाणार आहे.

Drought Declared in Maharashtra :  महाराष्ट्रातील कोणते 265 तालुके आले यादीत?

खरीप हंगाम-२०२६-प्रथम कळ (Trigger-1) लागु झालेल्या तालुक्यांची माहीती पुढील प्रमाणे 

महसूल विभाग	अ.क्र.	जिल्हा	प्रथम कळ (Trigger-1) लागू झालेले तालुके, तालुक्यांची नावे	तालुक्यांची संख्या
ठाणे	1	ठाणे	निरंक	0
	2	पालघर	निरंक	0
	3	रायगड	श्रीवर्धन	1
	4	रत्नागिरी	रत्नागिरी,संगमेश्वर, राजापूर.	3
	5	सिंधुदुर्ग	सावंतवाडी, दोडामार्ग, कणकवली , कुडाळ, वैभववाडी, मालवण, देवगड, वेंगुर्ला.	8
नाशिक	6	नाशिक	मालेगाव, बागलाण, कळवण, नांदगाव, सुरगणा, इगतपुरी, पेठ, सिन्नर, येवला, देवळा.	10
	7	धुळे	धुळे, साक्री, सिंदखेडा, शिरपूर.	4
	8	जळगांव	एरंडोल, पारोळा, धरणगाव, चोपडा, पाचोरा, जामनेर, जळगाव, भडगाव, अमळनेर, रावेर, चाळीसगाव, भुसावळ, बोदवड, मुक्ताईनगर, यावल.	15
	9	नंदुरबार	अक्कलकुवा, शहादा, नंदूरबार, नवापुर, तलोदा, अक्राणी.	6
	10	अहिल्यानगर	नगर, पारनेर, श्रीगोंदा, कर्जत, जामखेड, शेवगाव, पाथर्डी, नेवासा, राहुरी, संगमनेर, अकोले, कोपरगाव, श्रीरामपुर, रहाता.	14
पुणे	11	पुणे	भोर, वेल्हा, खेड , शिरूर , बारामती, इंदापूर, दोंड, पुरंदर.	8
	12	सोलापूर	उ. सोलापूर, द. सोलापूर, बार्शी, अक्कलकोट, मोहोळ, माढा, करमाळा पंढरपूर, सांगोला, माळशिरस, मंगळवेढा.	11
	13	सांगली	मिरज, आटपाडी, जत, कवठेमहाकाळ,	4
	14	सातारा	सातारा, खटाव, माण, फलटण, खंडाळा महाबळेश्वर.	6
छ. संभाजीनगर	15	कोल्हापूर	पन्हाळा, राधानगरी, गगनबावडा, भुदरगड, आजरा, चंदगड.	6
	16	छ. संभाजीनगर	छ. संभाजीनगर, कन्नड, सोयगाव, पैठण, वैजापूर, गंगापूर, खुलताबाद, सिल्लोड, फुलंब्री.	9
	17	जालना	बदनापूर, घनसावंगी, अंबड, जालना परतूर, मंठा, भोकरदन, जाफ्राबाद.	8
	18	बीड	बीड, गेवराई, माजलगाव, केज, आंबेजोगाई, परळी, आष्टी, पाटोदा, शिरूर कासार, धारूर, वडवणी.	11
	19	लातूर	लातूर, औसा, अहमदपूर, निलंगा, उदगीर, चाकूर, रेणापूर, शिरूरअनंतपाळ, देवणी, जळकोट.	10
	20	धाराशिव	धाराशिव, कळंब, भूम, वाशी, तुळजापूर, लोहारा, परंडा, उमरगा.	8
	21	नांदेड	नांदेड, बिलोली, कंधार, लोहा, हदगाव, भोकर, देगलूर, किनवट, हिमायतनगर, माहूर, धर्माबाद, उमरी, अर्धापूर, नायगाव.	14
	22	परभणी	पूर्णा, पालम, परभणी, सोनपेठ, जिंतूर, गंगाखेड, सेलू, मानवत, पाथरी.	9
	23	हिंगोली	हिंगोली, औंढा नागनाथ, कळमनुरी, सेनगाव, वसमत.	5
अमरावती	24	बुलढाणा	जळगावजामोद, संग्रामपूर, चिखली, देऊळगावराजा, मेहकर, बुलढाणा, शिंदखेडराजा, लोणार, खामगाव, शेगाव, मलकापूर, मोताळा, नांदुरा.	13
	25	अमरावती	अमरावती, भातकुली, चांदूर रेल्वे, नांदगाव ख., धामणगाव रेल्वे, अचलपूर, अंजनगावसुर्जी, तिवसा, धारणी, चिखलदरा, वरूड, मोर्शी, चांदूरबाजार, दर्यापूर.	14
	26	अकोला	अकोट, अकोला, पातूर, तेल्हारा, मूर्तीजापूर, बाळापूर बार्शीटाकळी.	7
वाशिम	27	वाशिम	वाशीम, रिसोड, मालेगाव, मंगरूळपीर, कारंजा, मानोरा.	6
यवतमाळ	28	यवतमाळ	यवतमाळ, बाभूळगाव, कळंब, दारव्हा, दिग्रस, आर्णी, नेर, पुसद, उमरखेड, महागाव, वणी, मारेगाव, झरी-जामणी, केळापूर, घाटंजी, राळेगाव.	16
नागपूर	29	वर्धा	वर्धा, सेलू, देवळी, आर्वी, समुद्रपूर, हिंगणघाट, आष्टी.	7
	30	नागपूर	नागपूर, कामठी, सावनेर, पारशिवनी, मौदा, भिवापूर, कळमेश्वर, काटोल, रामटेक, हिंगणा, उमरेड, कुही, नरखेड, नागपूर शहर.	14
	31	भंडारा	भंडारा, पवनी, लाखांदूर.	3
	32	गोंदिया	तिरोडा	1
	33	चंद्रपूर	चंद्रपूर, भद्रावती, गोंडपिंपरी, राजुरा, कोरपना, मूल, वरोरा, सावली, चिमूर, नागभीड, सिंदेवाही, पोंभुर्णा.	12
	34	गडचिरोली	गडचिरोली, चामोर्शी.	2
		एकूण तालुके		265

 

हेही वाचा: 

Rohit Pawar : ‘कर्णासारखं मैत्रीत आंधळं होऊन दुर्योधनाला…’; रोहित पवार नेमकं काय म्हणाले?