Srinivasa Vanaga : मोठी घडामोड! एकनाथ शिंदेंना जबर धक्का; बड्या नेत्याने हाती घेतलं कमळ
Srinivasa Vanaga : क्रीडा महोत्सवाच्या निमित्ताने भाजपचे प्रदेशाध्यक्ष रवींद्र चव्हाण हे आज पालघरच्या दौऱ्यावर आहेत. त्यावेळी त्यांच्या आणि खासदार हेमंत सावरा यांच्या उपस्थितीत श्रीनिवास वनगा यांनी आपले हाती कमळ घेतले.

Srinivasa Vanaga : महाराष्ट्राच्या राजकारणातून एक महत्त्वाची घडामोड समोर आली आहे. उपमुख्यमंत्री एकनाथ शिंदे यांच्या नेतृत्वाखालील शिवसेनेला सोडचिठ्ठी देत माजी आमदार श्रीनिवास वनगा यांनी भाजपमध्ये प्रवेश केला आहे. पालघरमध्ये घडलेल्या या राजकीय घडामोडीमुळे स्थानिक राजकीय समीकरणांमध्ये मोठे बदल होणार असून भाजपचे बळ वाढले आहे.
क्रीडा महोत्सवाच्या निमित्ताने भाजपचे प्रदेशाध्यक्ष रवींद्र चव्हाण हे आज पालघरच्या दौऱ्यावर आहेत. त्यावेळी त्यांच्या आणि खासदार हेमंत सावरा यांच्या उपस्थितीत श्रीनिवास वनगा यांनी आपले हाती कमळ घेतले.
दरम्यान, २०२४ च्या विधानसभा निवडणुकीच्या काळात श्रीनिवास वनगा यांच्या नाराजीच्या चर्चांना उधाण आले होते. विधानसभा निवडणुकीसाठी उमेदवारी आणि तिकीटवाटपाच्या पार्श्वभूमीवर त्यांनी नाराजी व्यक्त केली होती. त्यावेळी त्यांची भूमिका आणि पक्षातील घडामोडी राज्यभर चर्चेचा विषय ठरल्या होत्या.
या नाराजीनंतर वनगा हे एकनाथ शिंदे यांच्या शिवसेनेपासून दूर गेल्याचे बोलले जात होते. अखेर त्यांनी भाजपमध्ये प्रवेश करण्याचा निर्णय घेतला. त्यांच्या या निर्णयामुळे पालघरमधील आगामी राजकीय घडामोडींकडे सर्वांचे लक्ष लागले आहे.
काही वर्षांपूर्वीच्या राजकीय घडामोडींमुळे आपण भरकटलो होतो, मात्र कार्यकर्ते आणि परिवाराची इच्छा स्वगृही परतण्याची होती, अशी प्रतिक्रिया श्रीनिवास वनगा यांनी दिली. पालघरमध्ये हा शिवसेना शिंदे गटासाठी मोठा झटका मानला जात आहे.
Sidharth-Kiara: सिद्धार्थ-कियाराच्या लेकीचा व्हिडिओ व्हायरल; पापाराझींना केले महत्त्वाचे आवाहन





