NEET Exam : NEET फेरपरीक्षेआधी मोठा गोंधळ! नागपूरच्या विद्यार्थ्याच्या हॅाल तिकीटावर ‘या’ देशातील परीक्षा केंद्र
NEET Exam : नागपूरमधील एका विद्यार्थ्यासोबत एक असा प्रकार घडला आहे, ज्यामुळे त्याला परीक्षा देण्यासाठी मोठी अडचण निर्माण झाली आहे.
NEET Exam : देशभरात गाजलेल्या नीट (NEET) पेपरफुटी प्रकरणानंतर उद्या, 21 जून रोजी फेरपरीक्षा होणार आहे. यंदा कोणतीही त्रुटी राहू नये यासाठी परीक्षा व्यवस्थापन आणि सुरक्षेच्या दृष्टीने विशेष खबरदारी घेण्यात आली आहे. मात्र परीक्षेअगोदर नागपूरमधील एका विद्यार्थ्यासोबत एक असा प्रकार घडला आहे, ज्यामुळे त्याला परीक्षा देण्यासाठी मोठी अडचण निर्माण झाली आहे.
नागपूरच्या अब्दुल्ला नावाच्या विद्यार्थ्याने परीक्षा केंद्रासाठी नागपूर आणि आसपासच्या शहरांची निवड केली होती. मात्र प्रवेशपत्र मिळाल्यानंतर त्याला धक्काच बसला. कारण त्याचे परीक्षा केंद्र थेट संयुक्त अरब अमिरातीतील (UAE) अबूधाबी येथे देण्यात आले आहे. या चुकीमुळे विद्यार्थी आणि त्याचे पालक चिंतेत असून त्यांनी एनटीएच्या हेल्पलाइनवर तक्रार नोंदवत परीक्षा केंद्र बदलण्याची मागणी केली आहे. वेळेत केंद्र बदलून न मिळाल्यास अब्दुल्ला फेरपरीक्षेला मुकण्याची शक्यता वर्तवली जात आहे. या घटनेवरुन पुन्हा एकदा NTA द्वारे घेतल्या जाणाऱ्या नीट परीक्षेवर प्रश्नचिन्ह उपस्थित करण्यात येत आहे. ( NEET Exam)
NEET Exam : NEET फेरपरीक्षेआधी मोठा गोंधळ! नागपूरच्या विद्यार्थ्याच्या हॅाल तिकीटावर ‘या’ देशातील परीक्षा केंद्र
कॅाकरोच जनता पार्टीचे आंदोलन (NEET Exam)
दुसरीकडे, नीट पेपरफुटी प्रकरणाच्या निषेधार्थ नांदेडमध्ये युवक काँग्रेसने 16 जून रोजी मशाल मोर्चा काढला होता. नीट पेपरफुटी प्रकरणासह अन्य प्रश्नांवर आक्रमक भूमिका घेणाऱ्या कॅाकरोच जनता पार्टीचे आज पुन्हा एकदा 20 जून रोजी दिल्लीतील जंतर मंतर येथे आंदोलन करण्यात येणार आहे. या आंदोलनाचे नेतृत्व पक्षाचे संस्थापक अभिजीत दिपके करणार असून, केंद्रीय शिक्षणमंत्री धमेंद्र प्रधान यांच्या राजीनाम्याची मागणी केली जाणार आहे.
