Cocktail 2 Box Office : शाहिद कपूर, कृती सेनन आणि रश्मिका मंदाना यांची प्रमुख भूमिका असलेला ‘कॉकटेल 2’ हा चित्रपट बॉक्स ऑफिसवर दमदार कामगिरी करत आहे. १९ जून रोजी प्रदर्शित झालेल्या या चित्रपटाने पहिल्याच दिवसापासून प्रेक्षकांची पसंती मिळवत जोरदार कमाई केली. मात्र, प्रदर्शनाच्या दुसऱ्या आठवड्यात चित्रपटाच्या कमाईचा वेग काहीसा मंदावल्याचे दिसत आहे.

बॉक्स ऑफिस ट्रॅकर सॅकनिल्कच्या अर्ली ट्रेंडनुसार, चित्रपटाने नवव्या दिवशी (शनिवारी) ४.२५ कोटी रुपयांची कमाई केली. यानंतर भारतातील एकूण कलेक्शन ७८.७५ कोटी रुपयांवर पोहोचले आहे. तर, जगभरात या चित्रपटाने १२०.७२ कोटी रुपयांचा गल्ला जमवत १०० कोटींचा टप्पा सहज पार केला आहे.

हेही वाचा : Huma Qureshi : “चांगली गाणी खराब करण्याची सवय”; हुमा कुरेशी ‘इश्क कमीना’च्या रिमेकमुळे ट्रोल

‘कॉकटेल 2’ने पहिल्या दिवशी १३.५० कोटी, दुसऱ्या दिवशी १६.२५ कोटी आणि तिसऱ्या दिवशी १७.७५ कोटी रुपयांची दमदार कमाई केली होती. त्यानंतर चौथ्या आणि पाचव्या दिवशी ६.७५ कोटी, सहाव्या दिवशी ५.२५ कोटी, सातव्या दिवशी ४.२५ कोटी आणि आठव्या दिवशी ४ कोटी रुपये कलेक्शन नोंदवले.

दरम्यान, अक्षय कुमारचा ‘वेलकम टू द जंगल’ चित्रपट प्रदर्शित झाल्यानंतर ‘कॉकटेल 2’च्या कमाईवर त्याचा परिणाम होईल असा अंदाज व्यक्त करण्यात आला होता. सध्या तरी तसे चित्र दिसत नाही. आता रविवारी चित्रपटाच्या कमाईत किती वाढ होते, याकडे ट्रेड विश्लेषक आणि प्रेक्षकांचे लक्ष लागले आहे.

हेही वाचा :  Darya Bhavani : मोठ्या पडद्यावर उलगडणार स्वराज्याच्या सागरी सामर्थ्याची कहाणी; दिग्पाल लांजेकरांच्या ‘दर्याभवानी’ची घोषणा