Maharashtra Board Exam 2027 : महाराष्ट्र राज्य माध्यमिक व उच्च माध्यमिक शिक्षण मंडळाने २०२७ मध्ये होणाऱ्या दहावी आणि बारावीच्या बोर्ड परीक्षांचे अंतिम वेळापत्रक जाहीर केले आहे. फेब्रुवारी-मार्च २०२७ मध्ये होणाऱ्या या परीक्षांच्या लेखी आणि प्रात्यक्षिक परीक्षांच्या तारखा मंडळाने निश्चित केल्या आहेत. त्यामुळे परीक्षेची तयारी करणाऱ्या विद्यार्थ्यांना आता परीक्षेचे नियोजन करता येणार आहे. (Maharashtra Board Exam 2027)

बारावीची परीक्षा ८ फेब्रुवारीपासून

मंडळाने जाहीर केलेल्या वेळापत्रकानुसार, बारावीची लेखी परीक्षा ८ फेब्रुवारी ते १८ मार्च २०२७ या कालावधीत होणार आहे. तर बारावीच्या प्रात्यक्षिक, तोंडी आणि अंतर्गत मूल्यमापनाच्या परीक्षा २० जानेवारी ते ६ फेब्रुवारी २०२७ या कालावधीत आयोजित करण्यात येणार आहेत. (Maharashtra Board Exam 2027)

दहावीची परीक्षा १५ फेब्रुवारीपासून

दहावीच्या विद्यार्थ्यांची लेखी परीक्षा १५ फेब्रुवारी ते १५ मार्च २०२७ या कालावधीत होणार आहे. दहावीच्या प्रात्यक्षिक, तोंडी आणि अंतर्गत मूल्यमापनाच्या परीक्षा २८ जानेवारी ते १३ फेब्रुवारी २०२७ या कालावधीत होणार असल्याचे वेळापत्रकात नमूद आहे. (Maharashtra Board Exam 2027)

राज्यातील नऊ विभागीय मंडळांमार्फत परीक्षा

महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर आणि कोकण या नऊ विभागीय मंडळांमार्फत या परीक्षा घेतल्या जाणार आहेत. (Maharashtra Board Exam 2027)

विद्यार्थ्यांना परीक्षांचे विषयवार आणि सविस्तर वेळापत्रक मंडळाच्या अधिकृत संकेतस्थळावर पाहता येणार आहे. विद्यार्थ्यांनी अंतिम वेळापत्रक तपासून त्यानुसार अभ्यासाचे नियोजन करावे, असे आवाहन करण्यात येत आहे. (Maharashtra Board Exam 2027)

परीक्षांचे महत्त्वाचे वेळापत्रक एका नजरेत :

परीक्षा कालावधी
बारावी लेखी परीक्षा ८ फेब्रुवारी – १८ मार्च २०२७
दहावी लेखी परीक्षा १५ फेब्रुवारी – १५ मार्च २०२७
बारावी प्रात्यक्षिक परीक्षा २० जानेवारी – ६ फेब्रुवारी २०२७
दहावी प्रात्यक्षिक परीक्षा २८ जानेवारी – १३ फेब्रुवारी २०२७