Maharashtra Politics : शिवसेनेचे नेते आणि जळगावचे माजी खासदार उन्मेश पाटील यांच्या अडचणीत (Maharashtra Politics) मोठी वाढ झाली असून, त्यांच्याविरोधात चाळीसगाव पोलीस ठाण्यात गुन्हा दाखल करण्यात आला आहे.

रविवारी (२८ जून) रात्री उशिरा हा गुन्हा दाखल झाल्याने जळगाव जिल्ह्याच्या राजकीय वर्तुळात एकच खळबळ उडाली असून येथील वातावरण चांगलेच तापले आहे. एका जाहीर सभेत पोलीस उपनिरीक्षकावर गंभीर आरोप करत अपशब्द वापरल्याप्रकरणी ही कारवाई करण्यात आली आहे.

 

आंदोलनातील ‘ते’ वादग्रस्त भाषण   (Maharashtra Politics)

मिळालेल्या माहितीनुसार, रविवारी चाळीसगाव शहर पोलीस ठाण्याबाहेर एका स्थानिक प्रकरणावरून धरणे आंदोलन सुरू होते. या आंदोलनात माजी खासदार उन्मेश पाटील हेदेखील सहभागी झाले होते. आंदोलकांसमोर जाहीर भाषण  करताना पाटील यांनी तेथील पोलीस उपनिरीक्षक (PSI) संदीप घुले यांच्यावर अत्यंत गंभीर स्वरूपाचे आरोप केले.

काय होते उन्मेश पाटील यांचे आरोप?   (Maharashtra Politics)

उन्मेश पाटील यांनी आपल्या भाषणात आरोप केला की, संबंधित पोलीस उपनिरीक्षक (PSI) एका महिला पोलीस कर्मचाऱ्याकडे ‘शरीर सुखाची’ मागणी करत आहेत. तसेच, पीएसआय घुले हे निष्पाप तरुणांविरोधात खोटे गुन्हे दाखल करून त्यांना नाहक त्रास देत असल्याचा दावाही त्यांनी केला. हे आरोप करताना त्यांनी जाहीर व्यासपीठावरून अपशब्द आणि शिवीगाळ केल्याचे पोलीस तक्रारीत म्हटले आहे.

पोलीस प्रशासनाची कडक पावले आणि गुन्हा दाखल   (Maharashtra Politics)

सार्वजनिक व्यासपीठावरून थेट पोलीस अधिकाऱ्यावरच असे गंभीर आरोप झाल्याने पोलीस प्रशासनाने याची तातडीने दखल घेतली. या जाहीर विधानामुळे उपस्थित जनसमुदायासमोर पोलीस उपनिरीक्षक संदीप घुले यांची मोठ्या प्रमाणावर बदनामी झाली असून, त्यांची सामाजिक प्रतिमा मलिन करण्याचा प्रयत्न केला गेला, असा ठपका पाटील यांच्यावर ठेवण्यात आला आहे.

याप्रकरणी जळगाव जिल्हा पोलीस दलाच्या गोपनीय शाखेचे अंमलदार योगेश दिलीप बेलदार यांनी अधिकृत तक्रार दिली आहे. त्यांच्या तक्रारीवरून चाळीसगाव शहर पोलीस ठाण्यात उन्मेश पाटील यांच्याविरोधात अदखलपात्र (NC) गुन्हा दाखल करण्यात आला आहे.

या संपूर्ण प्रकरणाबाबत माहिती देताना जळगावचे पोलीस अधीक्षक (SP) श्रीकांत धिवरे यांनी सांगितले की, “पोलीस अधिकाऱ्याची जाहीर बदनामी करणे आणि शिवीगाळ केल्याप्रकरणी माजी खासदार उन्मेश पाटील यांच्यावर (Maharashtra Politics) अदखलपात्र गुन्हा दाखल करण्यात आला आहे.” या कारवाईमुळे आता जळगावमधील राजकीय आणि पोलीस प्रशासकीय संघर्ष आणखी तीव्र होण्याची चिन्हे दिसत आहेत.