Maharashtra Politics : ठाकरेसेनेच्या सहा खासदारांचे एकनाथ शिंदे यांच्या नेतृत्वाखालील शिवसेनेत (Maharashtra Politics) झालेले विलीनीकरण लोकसभा अध्यक्षांनी मंजूर केले होते. या निर्णयाला आव्हान देणारी याचिका सर्वोच्च न्यायालयाने मंगळवारी अंतिम सुनावणीसाठी निश्चित केली. न्यायमूर्ती पी. एस. नरसिंहा आणि न्यायमूर्ती आलोक आराधे यांच्या खंडपीठाने या याचिकेवर सुनावणीसाठी ८ डिसेंबर ही तारीख निश्चित केली.

लोकसभा अध्यक्षांच्या कार्यालयाकडून या प्रकरणात अद्याप कोणीही उपस्थित (Maharashtra Politics) राहिलेले नाही, अशी माहिती मिळाल्यानंतर न्यायालयाने हा निर्णय घेतला. ठाकरेसेनेचे नेते अरविंद सावंत यांच्या वतीने बाजू मांडणारे ज्येष्ठ वकील कपिल सिब्बल यांनी प्रक्रियेतील विलंबाबद्दल चिंता व्यक्त केली. त्यांनी निदर्शनास आणून दिले की, न्यायालयाने जुलै महिन्यातच नोटीस बजावली होती, तरीही लोकसभा अध्यक्षांच्या कार्यालयाकडून अद्याप कोणीही उपस्थित राहिलेले नाही.

या प्रकरणात उपस्थित राहण्यासाठी त्यांना अजून किती महिने वाट पाहायला लावायची आहे? जुलैमध्ये नोटीस बजावण्यात आली होती. नक्की चाललंय काय? असा सवाल सिब्बल यांनी उपस्थित केला. लोकसभा अध्यक्षांच्या कार्यालयाला नोटीस बजावण्यात आली असल्याची नोंद घेत, खंडपीठाने प्रकरणाची सुनावणी तहकूब केली आणि ती अंतिम सुनावणीसाठी सूचीबद्ध केली. २२ जुलै रोजी सर्वोच्च न्यायालयाने लोकसभा अध्यक्षांचे कार्यालय आणि इतरांकडून या याचिकेवर उत्तर मागितले होते.

या याचिकेत, सहा खासदारांचे एकनाथ शिंदे यांच्या नेतृत्वाखालील शिवसेनेत झालेले विलीनीकरण मंजूर करण्याच्या लोकसभा अध्यक्षांच्या निर्णयाला आव्हान देण्यात आले आहे. अरविंद सावंत यांनी दाखल केलेल्या याचिकेवर सुनावणी घेण्यास न्यायालयाने सहमती दर्शवली होती, परंतु कोणताही अंतरिम दिलासा देण्यास नकार दिला होता.

पावसाळी अधिवेशनापूर्वी, १८ जुलै रोजी लोकसभा अध्यक्ष ओम बिर्ला यांनी ठाकरेसेनेच्या सहा खासदारांचे शिंदेसेनेत झालेले विलीनीकरण मंजूर केले होते.
यापूर्वी, ठाकरेसेना गटाच्या वतीने बाजू मांडणारे ज्येष्ठ वकील देवदत्त कामत यांनी असा युक्तिवाद केला होता की, ही याचिका घटनात्मक नैतिकता आणि औचित्याशी संबंधित महत्त्वाचे प्रश्न उपस्थित करते आणि हा मुद्दा संसदीय लोकशाहीच्या मूळ गाभ्याशी (Maharashtra Politics) निगडित आहे. ठाकरेसेनेच्या तिकिटावर नऊ खासदार निवडून आले होते, ज्यापैकी सहा खासदार आता एकनाथ शिंदे यांच्या नेतृत्वाखालील शिवसेनेत सामील झाले आहेत.