Pune News : राज्यातील खरीप हंगामातील पावसाची तूट आणि अन्य निकषांच्या आधारे जुन्नर, आंबेगावसह राज्यातील एकूण ३०५ तालुके अखेर दुष्काळी म्हणून जाहीर करण्यात आले आहेत. दुष्काळ व्यवस्थापन संहिता २०१६ नुसार करण्यात आलेल्या मूल्यांकनानंतर राज्य शासनाने हा निर्णय घेतला आहे. (Pune News)

या तालुक्यांमध्ये जमीन महसुलात सूट, पीक कर्जाचे पुनर्गठन, शेतीशी निगडित कर्जवसुलीला स्थगिती, विद्यार्थ्यांचे परीक्षा शुल्क माफ करणे यांसह विविध उपाययोजना आणि सवलती लागू करण्यात येणार आहेत. पीक नुकसानीच्या मदतीबाबत मात्र स्वतंत्र शासन निर्णय घेतला जाणार आहे. (Pune News)

राज्यात खरीप हंगाम २०२६ मधील परिस्थितीच्या आधारे यापूर्वी ‘ट्रिगर-१’ लागू झालेल्या २६५ तालुक्यांना दुष्काळी घोषित करण्यात आले होते. त्यानंतर पावसाची तूट आणि अन्य घटकांचा आढावा घेण्यात आला. (Pune News)

५ ऑक्टोबर २०२६ नंतर पावसाळा संपल्याचे गृहीत धरून ‘ट्रिगर-१’ आणि ‘ट्रिगर-२’च्या निकषांनुसार राज्यातील एकूण ३०५ तालुक्यांमध्ये दुष्काळी परिस्थिती असल्याचे स्पष्ट झाल्याने त्यांना अंतिमतः दुष्काळी तालुके म्हणून घोषित करण्यात आले आहे. (Pune News)

या निर्णयामुळे पुणे जिल्ह्यातील जुन्नर आणि आंबेगाव तालुक्यांतील शेतकऱ्यांना दिलासा मिळण्याची अपेक्षा आहे. पावसाच्या अनियमिततेमुळे खरीप पिकांच्या उत्पादनावर परिणाम होण्याची शक्यता असताना दुष्काळी उपाययोजनांमुळे शेतकऱ्यांना आर्थिक दिलासा देण्याचा प्रयत्न शासनाकडून करण्यात येणार आहे. (Pune News)

Maharashtra Drought : आणखी १८ तालुक्यांत दुष्काळाची प्रत्यक्ष पाहणी होणार