Maharashtra Election । महाराष्ट्र विधानसभा निवडणुकीसाठी सत्ताधारी आघाडीने कंबर कसली आहे. सध्या मुख्यमंत्री एकनाथ शिंदे यांची शिवसेना, भाजप आणि महायुतीचा भाग असलेल्या अजित पवार यांच्या राष्ट्रवादी काँग्रेसमध्ये जागांवर सातत्याने चर्चा सुरू आहे. दरम्यान, मुख्यमंत्री शिंदे यांचे नागपुरातील शासकीय निवासस्थान रामगिरी येथे शनिवारी रात्री आठ वाजण्याच्या सुमारास सुरू झालेली ही बैठक पहाटे दीड वाजेपर्यंत सुरू होती.

एका इंग्रजी वर्तमानपत्राच्या वृत्तानुसार, तिन्ही पक्षांमध्ये जवळपास एक करार झाला असल्याची माहिती नाव न सांगण्याच्या अटीवर अधिकाऱ्यांनी सांगितले. दरम्यान, भाजप महाराष्ट्र प्रदेशचे अध्यक्ष चंद्रशेखर बावनकुळे यांनी रविवारी याविषयी माहिती दिली. विधानसभा निवडणुकीसाठी सत्ताधारी आघाडीच्या मित्रपक्षांमध्ये जागावाटपाची चर्चा 10 दिवसांत पूर्ण होईल, जागावाटपाचा निकष जागांची संख्या नसून जिंकण्याची शक्यता हा असेल असेही त्यांनी यावेळी सांगितले.

कोणासाठी किती जागा? Maharashtra Election ।

महाराष्ट्रात ऑक्टोबर-नोव्हेंबरमध्ये विधानसभा निवडणुका होऊ शकतात. राज्यातील विधानसभेच्या एकूण २८८ जागांपैकी भारतीय जनता पक्ष (भाजप) १६० जागांवर निवडणूक लढवू शकतो, तर शिवसेनेला ६० ते ७० जागा मिळू शकतात. तर राष्ट्रवादी काँग्रेसला विधानसभेच्या ५० जागांवर समाधान मानावे लागेल. अजित पवार यांनी ६० जागांवर दावा केला आहे.

काय आहे अजित पवारांची मागणी? Maharashtra Election ।

दरम्यान ,  दोन दिवसापूर्वी अजित पवार यांनी, “त्यांचा पक्ष 60 जागांसाठी ठाम आहे. ते म्हणाले, “आम्ही 2019 च्या गेल्या निवडणुकीत 54 जागा जिंकल्या होत्या. आम्हाला जवळपास 60 जागा मिळायला हव्यात.” बच्चू कडू यांच्या प्रहार जनशक्ती पक्षासारख्या छोट्या मित्रपक्षांना काही जागा दिल्या जाणार असल्याचे सूत्रांनी सांगितले. महायुतीची महाराष्ट्रात एमव्हीएशी स्पर्धा आहे. येथे MVA मध्ये काँग्रेस, उद्धव ठाकरे यांची शिवसेना (UBT) आणि शरद पवार यांची NCP (SP) यांचा समावेश आहे.