महाबळेश्वर : उपमुख्यमंत्री एकनाथ शिंदे व पालकमंत्री शंभूराज देसाई यांच्या नेतृत्वाखाली शिवसेना महाबळेश्वर नगरपालिकेची निवडणूक लढवणार असून नगराध्यक्षपदासाठी शिवसेना पुरस्कृत उमेदवार म्हणून कुमार शिंदे निवडणूक लढतील असा प्रस्ताव पक्षाच्या बैठकीत मांडण्यात आला. या प्रस्तावाला हेमंत साळवी व सुनील ढेबे यांनी अनुमोदन दिले. या प्रस्तावास सर्व शिवसैनिकांसह पदाधिकाऱ्यांनी एकमताने सहमती देऊन ठराव मंजूर करण्यात आला. महाबळेश्वर नगरपालिकेच्या निवडणुकीच्या पार्श्वभूमीवर सर्वच पक्षांनी हालचाली गतीमान झाल्या गाठीभेटी सुरू आहेत. सामान्य शिवसैनिकांसह पदाधिकाऱ्यांना विश्वासात घेऊन काम करण्याच्या दृष्टीने महाबळेश्वर शिवसेना शहराची बैठक उपजिल्हाप्रमुख संजय शेलार यांच्या अध्यक्षतेखाली बैठक पार पडली. त्यावेळी हा ठराव मंजूर झाला. कुमार शिंदे म्हणाले, ‘‘महाबळेश्वरच्या शिवसैनिकांनी माझ्यावर ठेवलेल्या विश्वासाला कधी तडा जाऊ देणार नाही. आगामी निवडणुकीमध्ये मी सर्व शिवसेनेच्या पदाधिकाऱ्यांना व शिवसैनिकांना बरोबर घेऊन काम करणार असून सर्वांनी एकत्रितरित्या निवडणुकीसाठी तयारी करूया. सर्व उमेदवार निवडून येतील यासाठी आपण सर्वांनी प्रयत्न करूया.’’ यासाठी सर्वांनी एकत्र संघटित व एकजुटीने कामाला लागूया, असे आवाहन त्यांनी केले. आगामी निवडणुकीमधे आपले संघटन महत्त्वाचे असून आपल्या उमेदवारांच्या पाठीशी ठामपणे उभे राहून प्रामाणिकपणे काम करण्याचे आवाहन संजय शेलार यांनी शहरातील पदाधिकारी शिवसैनिकांना केले. शहरप्रमुख विजय नायडू यांनी प्रास्ताविक केले. बैठकीस शहर संघटक सुनील ढेबे, उपशहर प्रमुख सचिन गुजर व सचिन जेधे, अर्बन को-ऑपरेटिव्ह बँकेचे संचालक सतीश ओंबळे, विभागप्रमुख हेमंत साळवी, अल्पसंख्यांक शहरप्रमुख उस्मान खर खारखंडे, वाई विधानसभा संपर्कप्रमुख वर्षाताई आरडे, मेघा चोरगे, महाबळेश्वर महिला शहरप्रमुख सुनीताताई फळणे, आशाताई जाधव, सोनाली बांदल मंगलताई फळणे, प्रभा नायडू, अपूर्वा डोईफोडे, पूजा उतेकर, तुषार उतेकर, राहुल साळुंखे, सुमित कांबळे, किरण मोरे, शिवसैनिक उपस्थित होते. बैठकीमध्ये कमिटी नेमण्यात आली. इच्छुक उमेदवारांनी लवकरात लवकर आपला अर्ज विजय नायडू यांच्याकडे देण्यात यावेत, असे आवाहन करण्यात आले. सोनाली बांदल यांनी आभार मानले.
