LPG Cylinder : घरगुती एलपीजी ग्राहकांसाठी महत्त्वाची बातमी आहे. 1 ऑक्टोबर 2026 पासून सब्सिडीसह नियमन केलेल्या किरकोळ दरात (RSP) एलपीजी सिलिंडर घेण्यासाठी बायोमेट्रिक आधार प्रमाणीकरण (BAA) आवश्यक करण्यात आले आहे. 19 सप्टेंबरपर्यंत 27.43 कोटी म्हणजेच 89.9 टक्के सक्रिय ग्राहकांनी प्रमाणीकरण पूर्ण केले आहे. त्यामुळे या ग्राहकांना पुन्हा काही करण्याची गरज नाही.

प्रमाणीकरण रिफिलच्या वेळी डिलिव्हरी कर्मचाऱ्यामार्फत, गॅस वितरकाच्या दुकानात किंवा संबंधित कंपनीच्या मोबाइल अॅपवरून करता येईल. इंडेनसाठी IndianOil ONE, भारत गॅससाठी HelloBPCL आणि एचपी गॅससाठी HP Pay अॅप उपलब्ध आहे.

ज्यांना आधार प्रमाणीकरण करायचे नाही, त्यांनाही एलपीजी मिळेल. मात्र त्यांना डिजिटल माध्यमातून पर्याय नोंदवावा लागेल आणि सब्सिडीशिवाय बाजारभावाने 5 किंवा 10 किलोचा सिलिंडर उपलब्ध होईल.

अधिक माहितीसाठी हेल्पलाइन : 1800 2333 555