LPG Gas Cylinder : : घरगुती LPG सिलिंडरच्या कनेक्शनसाठी ई -केवायसी करणे महत्त्वाचे आहे. याकरिता आता ई -केवायसीची मुदत दुसऱ्यांदा वाढवण्यात आली आहे. यापूर्वी आधार व्हेरिफिकेशनसाठी १६ ऑगस्ट ही अंतिम तारीख होती. मात्र त्यानंतर ती वाढवून २३ ऑगस्ट करण्यात आली होती. आता पुन्हा मुदत वाढवून ३१ ऑगस्ट २०२६ करण्यात आली आहे.

ज्या ग्राहकांनी अद्याप ही प्रक्रिया केलेली नाही, त्यांना कंपन्यांकडून मेसेजद्वारे ई -केवायसी पूर्ण करण्याचे आवाहन केले जात आहे.  ई -केवायसी न केल्यास घरगुती सिलेंडर मिळण्यास अडथळा निर्माण होऊ शकतो.

नेमका काय होणार परिणाम? 

याचा परिणाम म्हणजे सर्वसामान्यांच्या खिशाला परवडणाऱ्या दरात विकला जाणारा LPG सिलेंडरचा लाभ तात्पुरता थांबवला जाऊ शकतो. अशा परिस्थितीत ई -केवायसी पूर्ण होईपर्यंत ग्राहकांना सिलेंडर कमर्शियल दराने घ्यावा लागू शकतो. त्यामुळे ग्राहकांना अतिरिक्त पैसे मोजावे लागू शकतात.

याशिवाय काही ग्राहकांची सिलेंडर बुकिंग प्रक्रिया थांबू शकते. उज्ज्वला योजनेच्या लाभार्थ्यांना मिळणारी सब्सिडीही बंद होण्याची शक्यता आहे. हा नियम जुन्या तसेच नवीन LPG ग्राहकांसाठी लागू असल्याचे सांगितले जात आहे. मात्र, ई -केवायसी न केल्यामुळे लगेच LPG कनेक्शन रद्द होणार नाही. दीर्घकाळ प्रक्रिया पूर्ण न केल्यास कनेक्शन ब्लॉक होण्याची शक्यता आहे.

मोबाइलवरूनही करता येते e-KYC
ग्राहकांना ई -केवायसी करण्यासाठी गॅस एजन्सीत जाण्याची गरज नाही. ही प्रक्रिया ऑनलाइन किंवा ऑफलाइन दोन्ही पद्धतीने करता येते.

• मोबाइलवरून ई -केवायसी करण्यासाठी तुम्ही वापरत असलेल्या LPG कंपनीचे अधिकृत अॅप डाउनलोड करा.
• इंडेन, HP गॅस किंवा भारत गॅस यांच्या अॅपमध्ये ई -केवायसीचा पर्याय उपलब्ध आहेत.
• संबंधित पर्याय निवडून आवश्यक माहिती आणि आधार व्हेरिफिकेशनची प्रक्रिया पूर्ण करता येते.

तांत्रिक त्रुटी कायम

मुदतवाढीमुळे केवळ अतिरिक्त सात दिवस मिळाले आहेत, परंतु सिस्टीममधील तांत्रिक त्रुटी कायम आहेत. सर्व्हर बंद पडला की, संपूर्ण दिवसाचे वेळापत्रक विस्कळीत होते. परिणामी, गॅस एजन्सीच्या काउंटर्सवर प्रचंड गर्दी होते आणि प्रलंबित कामांचा साठा सतत वाढत आहे. LPG Gas Cylinder

तर ऑफलाइन पद्धतीने गॅस एजन्सीला भेट देणाऱ्या ग्राहकांना तासन्तास लांब रांगेत उभे राहावे लागत आहे. तासन्तास वाट पाहिल्यानंतरही, जेव्हा लोक काउंटरवर पोहोचतात, तेव्हा सर्व्हर बंद असल्यामुळे त्यांचे बायोमेट्रिक ऑथेंटिकेशन पूर्ण होत नाही. जेव्हा मुख्य सर्व्हर बंद असतो किंवा ॲपचा प्रतिसाद मंद असतो, तेव्हा संपूर्ण प्रक्रिया थांबते. LPG Gas Cylinder

हेही वाचा: 

Vallari Viraj: साडी, गजरा अन् निखळ हास्य! वल्लरी विराजचा मराठमोळा अंदाज पाहून चाहते घायाळ