Nana Patekar: ज्येष्ठ अभिनेते नाना पाटेकर यांच्या निधनाने चित्रपटसृष्टीसोबतच त्यांचे चाहते आणि जवळचे मित्रही हळहळले आहेत. वयाच्या 75व्या वर्षी नाना पाटेकर यांचे 8 ऑक्टोबर 2026 रोजी पहाटे निधन झाल्याची माहिती समोर आली आहे. गोव्यातील डोना पाउला येथील त्यांच्या घरी प्रकृती अचानक बिघडल्यानंतर त्यांना रुग्णालयात दाखल करण्यात आले होते. मात्र उपचारादरम्यान त्यांची प्राणज्योत मालवली.

नाना पाटेकर यांच्या निधनाची बातमी समोर आल्यानंतर अनेक कलाकार, मित्र आणि त्यांच्या जवळच्या व्यक्तींनी सोशल मीडियाच्या माध्यमातून त्यांना श्रद्धांजली वाहिली. यामध्ये सनदी अधिकारी तुकाराम मुंढे यांच्या भावूक पोस्टने अनेकांचे लक्ष वेधून घेतले आहे. नाना पाटेकर यांच्यासोबतच्या आठवणी सांगताना तुकाराम मुंढे यांनी त्यांना केवळ एक मोठा कलाकार नव्हे, तर जिवलग मित्र गमावल्याची भावना व्यक्त केली.

“आठ दिवसांपूर्वीच आमचं बोलणं झालं होतं…”

तुकाराम मुंढे यांनी आपल्या पोस्टमध्ये सांगितले की, नाना पाटेकर यांच्याशी अवघ्या आठ दिवसांपूर्वी त्यांचे बोलणे झाले होते. त्यावेळी झालेली ती भेट किंवा चर्चा शेवटची ठरेल, याची कल्पनाही त्यांना नव्हती. नाना पाटेकर यांनी त्या वेळी तुकाराम मुंढे यांना प्रेमाने “लव्ह यू, बाळा” असे म्हटले होते. नानांचे हे शेवटचे शब्द आता आयुष्यभर आपल्या स्मरणात राहतील, अशी भावना मुंढे यांनी व्यक्त केली.

Nana Patekar is no more.

I have lost not merely an exceptional artist, but an extraordinary human being and a dear friend , someone whose warmth and affection touched everyone around him.

We spoke just eight days ago. I could never have imagined that it would be our last conversation.

His last words to me were: “Love you, Bala.”

Those words will stay with me for the rest of my life.

Some people leave behind memories. A few leave behind a part of themselves in our lives.

Nana was one of them.

Goodbye, my friend. You will be deeply missed, and forever remembered.

— Tukaram Mundhe (@Tukaram_IndIAS) October 8, 2026

नाना केवळ कलाकार नव्हते, तर…

तुकाराम मुंढे यांनी नाना पाटेकर यांच्या व्यक्तिमत्त्वाचेही कौतुक केले. त्यांच्या मते, नाना हे केवळ एक अद्वितीय कलाकार नव्हते, तर ते मनानेही खूप मोठे आणि आपुलकीने वागणारे व्यक्ती होते. त्यांच्या सहवासात आलेल्या प्रत्येक व्यक्तीला त्यांच्या प्रेमाचा आणि जिव्हाळ्याचा अनुभव मिळत असे.

नाना पाटेकर यांच्या अभिनयाची वेगळी ओळख होतीच, पण त्यांच्या माणूस म्हणून असलेल्या स्वभावामुळेही ते अनेकांच्या जवळचे होते. त्यामुळेच त्यांच्या जाण्याने निर्माण झालेली पोकळी भरून काढणे कठीण असल्याची भावना त्यांच्या जवळच्या व्यक्ती व्यक्त करत आहेत.

“काही लोक आठवणी ठेवून जातात…”

आपल्या पोस्टमध्ये तुकाराम मुंढे यांनी नाना पाटेकर यांच्या आठवणींना भावनिक शब्दांत उजाळा दिला. काही व्यक्ती आयुष्यातून निघून गेल्यानंतर त्यांच्या आठवणी मागे राहतात. मात्र काही व्यक्ती आपल्या आयुष्याचाच एक भाग बनून जातात आणि त्यांच्या जाण्यानंतरही त्यांचा प्रभाव कायम राहतो, असा आशय त्यांनी व्यक्त केला. नाना पाटेकर हे त्यांच्यासाठी अशाच व्यक्तींपैकी एक होते. त्यामुळे त्यांच्या निधनाचा धक्का अधिक मोठा असल्याचे त्यांच्या पोस्टमधून जाणवते.

“निरोप मित्रा…”

पोस्टच्या शेवटी तुकाराम मुंढे यांनी नाना पाटेकर यांना भावूक निरोप दिला. नानांची खूप आठवण येईल आणि ते कायम स्मरणात राहतील, असे त्यांनी म्हटले. नाना पाटेकर यांनी आपल्या अभिनयातून अनेक भूमिका अजरामर केल्या. मात्र पडद्यावरील कलाकार म्हणून मिळालेल्या ओळखीपलीकडेही त्यांनी अनेकांच्या आयुष्यात आपुलकीची आणि मैत्रीची नाती निर्माण केली होती. तुकाराम मुंढे यांची ही भावूक पोस्ट त्याच नात्याची आणि नानांच्या व्यक्तिमत्त्वाची एक हळवी आठवण ठरली आहे.